టాలీవుడ్ లో పవర్ స్టార్ సినిమా రిలీజ్ అయ్యిందంటే ఆ సినిమాకి ఏ రెంజ్ లో క్రేజ్ ఉంటుందో ప్రత్యేకించి చెప్పకర్లేదు. ఇక ఆ సినిమా పాజిటివ్ టాక్ సొంతం చేసుకుంటే బాక్స్ ఆఫీస్ షేక్ కావాల్సిందే. అయితే పవన్ మాటల మాంత్రికుడు త్రివిక్రమ్ శ్రీనివాస్ దర్శకత్వంలో చేసిన “అత్తారింటికి దారేది” మూడేళ్ల క్రితమే వందకోట్లను మార్కుని దాటి రికార్డు సృష్టించిన విషయం తెలిసిందే.
ఈ సినిమా ప్రపంచ వ్యాప్తంగా 131 కోట్ల గ్రాస్ కలక్షన్స్ వసూల్ చేసి పవన్ సత్తాను చాటింది. ఇప్పుడు పవన్ కళ్యాణ్ డాలీ దర్శకత్వంలో కాట‌మ‌రాయుడు అనే సినిమా చేస్తున్నాడు. తొలిసారి ఫ్యాక్షనిస్టుగా పవన్ నటిస్తున్న ఈ చిత్రం షూటింగ్ డిసెంబర్ కి పూర్తి కానుంది. దీని తర్వాత పవన్, త్రివిక్రమ్ డైరక్షన్లో సినిమా చేయడం ఖరారు అయింది.
హారిక అండ్ హాసిని బ్యానర్లో నిర్మాత రాధాకృష్ణ నిర్మించనున్న ఈ మూవీ కి “దేవుడే దిగివ‌చ్చినా” అనే టైటిల్ ని కూడా ఫిక్స్ చేశారు. పవన్, త్రివిక్రమ్ కాంబినేషన్ కి ఉన్న క్రేజ్ ని దృష్టిలో పెట్టుకుని వందకోట్లు ఖర్చు చేసేందుకు నిర్మాత సిద్ధంగా ఉన్నట్లు తెలిసింది. త్రివిక్రమ్ ఈ సారి కథలో లవ్, ఫ్యామిలీ డ్రామాతో పాటు కొంచెం పొలిటికల్ టచ్ కూడా ఇస్తున్నట్లు సమాచారం. మరి వందకోట్ల తో వస్తున్న ఈ సినిమా బాహుబలి రికార్డులు బద్దలు కొడుతుందని అభిమానులు అంటున్నారు.
Related