టాలీవుడ్ లో జూ. ఎన్టీఆర్ కు ఉన్న క్రేజ్ గురించి ప్రత్యేకంగా చెప్పవలసిన అవసరం లేదు. మాస్ ఆడియన్స్ లో విపరీతమైన ఫాలోయింగ్ సంపాదించుకున్న తారక్.. గతకొంత కాలంగా విభిన్నమైన సినిమాలు చేస్తూ.. వరుస విజయలతో దూసుకుపోతున్నాడు. ఈ ఏడాది రాజమౌళి దర్శకత్వంలో వచ్చిన ” ఆర్ ఆర్ ఆర్ ” మూవీతో పాన్ ఇండియా స్థాయిలో క్రేజ్ సంపాదించుకున్నాడు ఎన్టీఆర్. దాంతో ఎన్టీఆర్ తరువాతి సినిమాలపై నార్త్ ఆడియన్స్ లో కూడా విపరీతమైన బజ్ నెలకొంది. ప్రస్తుతం కొరటాల శివ దర్శకత్వంలో తారక్ ఓ సినిమా చేయనున్న సంగతి తెలిసిందే. ఇక ఈ సినిమా తరువాత కే‌జి‌ఎఫ్ డైరెక్టర్ ప్రశాంత్ నీల్ తో తారక్ ఓ సినిమా చేయనున్నాడు. దాంతో ఈ క్రేజీ కాంబో పై సౌత్ తో పాటు నార్త్ లో కూడా భారీ అంచనాలు ఉన్నాయి. ప్రశాంత్ నీల్ ప్రస్తుతం ప్రభాస్ తో చేస్తున్న ” సలార్ ” పూర్తి అయిన తరువాత ఎన్టీఆర్ మూవీపై ఫోకస్ చేయనున్నాడు.
అయితే ఎన్టీఆర్ తో చేయబోయే మూవీకి సంబంధించి ప్రస్తుతం ఫిల్మ్ నగర్ లో ఓ వార్తా విపరీతంగా వైరల్ అవుతోంది. అదేమిటంటే ఈ సినిమాలో ఎన్టీఆర్ హీరో మాత్రమే కాకుండా విలన్ గా కూడా చేయబోతున్నాడట. అంటే డ్యూయల్ రోల్ లో ఎన్టీఆర్ మెరవబోతున్నాడని ఇండస్ట్రీ ఇన్ సైడ్ టాక్. అంతే కాకుండా ఈ మూవికి సంబంధించి ఆ మద్య ఎన్టీఆర్ బర్త్ డే కానుకగా రిలీజ్ అయిన పోస్టర్ కూడా విలన్ రోల్ కు సంబంధించినదేనని గుసగుసలు వినిపిస్తున్నాయి. అయితే వైరల్ అవుతున్న ఈ వార్తలపై చిత్రా యూనిట్ నుంచి ఎలాంటి అధికారిక ప్రకటన లేదు. అయితే గతంలో కూడా ఎన్టీఆర్ ” జై వల కుశ ” మూవీలో ” జై ” పాత్రలో కాస్త నెగిటివ్ సేడ్ లో కనిపించాడు. ఆ మూవీ కి ” జై ” పాత్రనే హైలెట్ గా నిలిచిన సంగతి అందరికీ తెలిసిందే. ఇక ప్రశాంత్ నీల్ మూవీలో కూడా ఎన్టీఆర్ హీరో కం విలన్ గా నటిస్తే ఫ్యాన్స్ కు పండగే అని చెప్పాలి. మరి ఈ వార్తా నిజమో కాదో తెలియాలంటే అధికారిక ప్రకటన వచ్చే వరకు ఎదురు చూడాల్సిందే.
Also Read