కేజీఎఫ్ చిత్రం ప్రపంచవ్యాప్తంగా ఎటువంటి సంచలనాలు నమోదు చేసిందో ప్రత్యేకంగా చెప్పక్కర్లేదు. ముఖ్యంగా మాస్ ప్రేక్షకులను ఈ మూవీ ఉర్రూతలూగించింది. ఇక ఈ చిత్రంలో హీరోగా నటించిన యశ్, డైరెక్టర్ ప్రశాంత్ నీల్ పేరు ఒక్కసారిగా ప్రపంచవ్యాప్తంగా మారుమోగిపోయింది. ప్రశాంత్ నీల్ దర్శకత్వంలో పనిచేసేందుకు అగ్రహీరోలు క్యూ కట్టారు. ఇక కేజీఎఫ్ చిత్రంలోని ప్రతి పాత్ర ఓ సంచలనమే. ఈ మూవీ సినీ చరిత్రలో ఓ మైలురాయిగా చెప్పుకోవచ్చు. కన్నడ చిత్రమైన కేజీఎఫ్.. పాన్ఇండియా లెవెల్లో ఓ ఊపు ఊపింది.
అయితే కేజీఎఫ్ సంచలన విజయం సాధించడంతో.. కేజీఎఫ్ 2 పై భారీ అంచనాలు నెలకొన్నాయి. ఇప్పటికే విడుదలైన టీజర్ భారీ వ్యూస్ సాధించి రికార్డులు నెలకొల్పింది. ఇక ఈ మూవీ ఎప్పుడు విడుదలవుతుందోనని ప్రేక్షకులు ఎదురు చూస్తున్నారు. సెప్టెంబర్ 9న ఈ మూవీ థియేటర్లలోకి రాబోతుందని ఓ వార్త సోషల్ మీడియాలో చక్కర్లు కొడుతోంది. కానీ నిర్మాతలు మాత్రం ఇంకా అధికారికంగా ప్రకటించలేదు.
Also Read: పవన్ కల్యాణ్, రానా దగ్గుపాటి సినిమా టైటిల్ ఇదేనా?
ప్రస్తుతం కరోనా కేసులు ఇంకా పూర్తిస్థాయిలో తగ్గకపోవడం, మూడో వేవ్ భయంతో చాలా మంది థియేటర్లకు వెళ్లాలంటేనే భయపడుతున్నారు. దీంతో పెద్ద సినిమాలు విడుదల చేసేందుకు నిర్మాతలు జంకుతున్నారు. ఈ క్రమంలో కేజీఎఫ్ నిర్మాతలు కూడా కాస్త లేట్గానే విడుదల చేయాలని భావిస్తున్నారు. క్రిస్మస్ కానుకగా డిసెంబర్ లేదా జనవరిలో ఈ చిత్రాన్ని విడుదల చేయాలని వారు భావిస్తున్నారట. దీంతో కేజీఎఫ్ ఫ్యాన్స్ తీవ్ర నిరాశ చెందుతున్నారట.