అనిల్ రావిపూడి దర్శకత్వంలో తెరకెక్కిన ఎఫ్2 సినిమా ఏ స్థాయిలో విజయం సాధించిందో తెలిసిందే. పెళ్లి తర్వాత ఎదురయ్యే ఇబ్బందులను.. ఎంతో ఫన్నీగా తెరకెక్కించారు ఈ సినిమాలో.. ముఖ్యంగా భార్య బాధితులకు ఈ మూవీ బాగా కనెక్ట్ అయి ఉంటుంది. ఇక వెంకటేశ్, వరుణ్తేజ్ మధ్య వచ్చిన కామెడీ సీన్స్ ఎంతో ఆకట్టుకున్నాయి. సీనియర్ నటుడు రాజేంద్రప్రసాద్ కూడా మంచి కామెడీ తో అలరించారు.
అయితే ఎఫ్ 2 సక్సెస్ కావడంతో దానికి సీక్వెల్ తీయాలని ఫిక్స్ అయ్యాడు దర్శకుడు అనిల్ రావిపూడి.. కథ నచ్చడంతో వెంకటేశ్, వరుణ్ తేజ్ ఒప్పుకున్నారు. ఇప్పటికే ఈ సినిమా షూటింగ్ మొదలుకాగా.. కరోనా ఎఫెక్ట్తో ఆగిపోయింది. ఇదిలా ఉంటే ఈ మూవీకి సంబంధించిన ఓ ఆసక్తికరమైన అప్డేట్ బయటకు వచ్చింది. ప్రగ్యా జైస్వాల్ ఈ సినిమాలో ఓ స్పెషల్ సాంగ్లో నటించబోతున్నట్టు టాక్. ప్రగ్యాతోపాటు సోనాల్‌ చౌహన్‌ ఐటమ్ సాంగ్లో నటించబోతున్నట్టు టాక్.
త్వరలోనే ఇందుకు సంబంధించిన షూటింగ్ను స్టార్ట్ చేయబోతున్నారు. సీనియర్ నటి సంగీత కూడా ఓ కీలక పాత్ర పోషిస్తుందట. ఈ చిత్రానికి దేవీ శ్రీ ప్రసాద్ సంగీతం అందిస్తున్నాడు. ప్రస్తుతం వెంకటేశ్ దృశ్యం 2 రీమేక్లో సైతం నటిస్తున్నాడు. మరోవైపు ఆయన నటించిన నారప్ప సినిమా కూడా విడుదలకు సిద్ధంగా ఉంది. వరుణ్ తేజ్ ఎఫ్- 3 సినిమాతో పాటు గని అనే సినిమాలో నటిస్తున్నారు.
Also Read