రాజ్ తరుణ్ నటిస్తున్న కిట్టుగాడు సినిమా నవంబర్ నుంచి ఇదిగో అదిగో అంటూ రిలిజ్ చేస్తాం అని చెబుతూ వస్తున్నారు. ఫిబ్రవరిలో రిలీజ్ చేద్దాం అనుకున్నారు.. కానీ ఇప్పుడు మళ్లీ మార్చికి వెళ్లిపోతోంది. ఈ నెల 17కు రిలీజ్ చేద్దాం అనుకున్న ఇంకా వర్క్ ఫినిష్ కాలేదని అందుకే లేట్ అవుతుందని తెలుస్తోంది.
సెన్సారుకు అప్లయ్ చేసారు కానీ, పూర్తిగా పనులు జరిగి, క్యూబ్ అప్ లోడ్ కావడానికి టైమ్ సరిపోదట. దాంతో ఆ డేట్ ను ఘాజీ కి సోలోగా వదిలేస్తున్నారు. 24న రిలీజ్ చేద్దాం అంటే సాయి ధరమ్ తేజ విన్నర్ వస్తోంది. ఆ సినిమాతో ఈ సినిమాని రిలీజ్ చేయడం అంత మంచిది కాదు. ఇక మిగిలిన డేట్ అంటే మార్చిలోకి వెళ్లిపోవాల్సిందే. అయితే 3న విజయ్ దేవరకొండ ద్వారక వుంది.
ఆ సినిమాతో పాటు ఈ సినిమాని రిలీజ్ చేయాలని చూస్తున్నారు. రెండూ యూత్ ఫిలిమ్ సినిమాలే అయినా ఇంకా ఆలోచిస్తూ వుంటే సరైన డేట్ దొరక్కుండా పోతుంది. నిజానికి సినిమాను వీర చెక్కుడు చెక్కకుండా వున్నా, అయిటమ్ సాంగ్ జోడించడం అన్నది ముందుగా అనుకున్నా ఈ పాటికి సినిమా రెడీ అయి వుండేది. కానీ అలా జరగలేదు. సరైన డేట్ దొరక్కుండా పోతోంది.
Related