తమిళ దర్శకుడు శంకర్, మెగాపవర్ స్టార్ రామ్చరణ్ తేజ్ సినిమా వస్తుందని అధికారిక ప్రకటన రాగానే.. సినీ ఇండస్ట్రీలో అంచనాలు ఆకాశాన్నంటాయి. ఈ సినిమాలో కథ ఏమిటి? మ్యూజిక్ ఎవరు? షూటింగ్ ఎప్పుడు ప్రారంభం కాబోతున్నది తదితర విషయాలపై ఆసక్తి నెలకొన్నది. శంకర్ చిత్రాలన్నింటిలోనూ ఏదో ఒక సామాజిక అంశం ఉంటుంది. ఇక హీరోలను ఓ రేంజ్లో ఎలివేట్ చేయడం శంకర్ స్టయిల్.
ఆయన గత చిత్రాలు ఒకేఒక్కడు, జెంటిల్మెన్, అపరిచితుడు, ప్రేమికుడు, రోబో తెలుగులోనూ రికార్డు స్థాయిలో కలెక్షన్లు రాబట్టాయి. దీంతో శంకర్ దర్శకత్వంలో సినిమా వస్తుందంటే తెలుగులో సైతం మార్కెట్ ఉంటుంది. అయితే ఈ సారి రామ్చరణ్ కాంబినేషన్లో సినిమా అనగానే అంచనాలు మరింత పెరిగాయి. రాజకీయ నేపథ్యంలో ఈ సినిమా ఉండబోతున్నట్టు టాక్.
Also Read: రామ్ తో ఢీ అంటే ఢీ అంటున్న ఆది పినిశెట్టి..!
ఈ సినిమాకు సాయిమాధవ్ బుర్రా మాటలు సమకూరుస్తున్నారు. వెంకటేశ్వర క్రియేషన్స్ బ్యానర్పై దిల్ రాజు, శిరీష్ ఈ సినిమాను నిర్మిస్తున్నారు. ఈ సినిమాలో రామ్ చరణ్ డ్యుయల్ రోల్ ప్లే చేయబోతున్నట్టు వార్తలు వస్తున్నాయి. గతంలో నాయక్ సినిమాలో చెర్రీ డ్యుయల్ రోల్ ప్లే చేశాడు. ఆ మూవీ సక్సెస్ అయ్యింది. ప్రస్తుతం మరోసారి చరణ్ డ్యుయల్ రోల్లో కనిపించబోతున్నాడన్నమాట.
Also Read: డైరెక్టర్ గా స్టార్ కమెడియన్..!