సినీ నటుల వ్యక్తిగత జీవితాలు మీడియాకు ఎప్పుడూ ఓ హాట్ టాపిక్. సెలబ్రిటీల జీవితాల్లో ఏదైనా అనుకోని ఘటన జరిగితే గోరంతను కొండంత చేసి చూపించడం కూడా కామనే. ఇదిలా ఉంటే తాజాగా బాలీవుడ్ అగ్రనటుడు అమీర్ ఖాన్ ఆయన భార్య కిరణ్రావు విడాకులు తీసుకున్న విషయం తెలిసిందే. ఈ వార్త దేశవ్యాప్తంగా తీవ్ర చర్చనీయాంశం అయ్యింది. వీళ్లిద్దరూ ఎందుకు విడిపోయారు? అసలేం జరిగింది? అన్న విషయాలపై నెటిజన్లు విపరీతమైన ఆసక్తి కనబరిచారు. ఇదిలా ఉంటే తాజాగా ఓ కొత్త అంశం తెరమీదకు వచ్చింది.
అదేమిటంటే.. అమీర్ ఖాన్ మరో నటి ఫాతిమాతో అఫైర్ పెట్టుకున్నాడని అందుకే భార్యతో విడాకులు తీసుకున్నాడని నెటిజన్లు తీవ్రంగా ట్రోలింగ్ చేస్తున్నారు. గతంలో ఫాతిమా, అమీర్ ఖాన్ దంగల్ సినిమాలో నటించారు. ఆ తర్వాత పలుమార్లు వీళ్లు మీడియా కంట పడ్డారు. ఇక వయసు రీత్యా వీరిమధ్య ఎంతో వ్యత్యాసం ఉంది. అయినప్పటికీ చాలా రోజులుగా ఓ రేంజ్లో పుకార్లు వస్తున్నాయి. ఇదిలా ఉంటే తాజాగా నెటిజన్లు అమీర్ఖాన్, ఫాతిమా అఫైర్ విషయాన్ని తెరమీదకు తీసుకొస్తున్నారు. పైగా కొందరు చాలా దారుణమైన కామెంట్లు పెడుతున్నారు.
Also Read: చిరు వర్సెస్ మోహన్బాబు
‘అమీర్ ఖాన్ మనదేశంలో భావ ప్రకటనా స్వేచ్చ లేదని.. నేనూ, నా భార్య విదేశాలకు వెళ్లాలని చూస్తున్నామంటూ గతంలో వ్యాఖ్యానించావు కదా. ఇప్పుడు మేము కూడా భావప్రకటనా స్వేచ్ఛతోనే చెబుతున్నాము. మీకు నటి ఫాతిమాకు మధ్య ఏదో ఉంది. ఈ విషయాన్ని మేము బహిరంగంగా చెబుతున్నాము. ఎందుకంటే మాకు భావ ప్రకటనా స్వేచ్ఛ ఉంది. మమ్మల్ని ఎవరూ? ఆపలేరు?’ అంటూ కొందరు కామెంట్లు పెడుతున్నారు.