రాజమౌళి చిత్రాల్లో సంగీతానికి ప్రత్యేక స్థానం ఉంటుందన్న విషయం తెలిసిందే. ఆయన మొదటి సినిమా స్టూడెంట్ నంబర్ 1 నుంచి ప్రతి సినిమా మ్యూజికల్ హిట్గా నిలిచింది. ఆయన ప్రతి సినిమాకు రాజమౌళి సోదరుడు ఎంఎం కీరవాణి మ్యూజిక్ అందిస్తుంటాడు. కీరవాణి ఇతర సినిమాలకు కూడా బాగానే మ్యూజిక్ అందించినా.. రాజమౌళి చిత్రాలమీద ప్రత్యేక ఫోకస్ పెడతాడన్న విషయం తెలిసిందే. రాజమౌళి ఆయనతో ప్రత్యేకంగా మ్యూజిక్ను కంపోజ్ చేయించుకుంటూ ఉంటాడు.
ఛత్రపతి, మగధీర,మర్యాద రామన్న, ముఖ్యంగా ఈగ చిత్రాలకు కీరవాణి అందించిన నేపథ్య సంగీతం ప్రతిఒక్కరిని ఆకట్టుకున్నది. ఇక బాహుబలి 1, 2కు ఇచ్చిన మ్యూజిక్, బ్యాక్గ్రౌండ్ మ్యూజిక్కు ప్రపంచవ్యాప్తంగా ప్రశంసలు దక్కాయి. ప్రస్తుతం వీరి కాంబినేషన్లో ఆర్ఆర్ఆర్ తెరకెక్కుతున్న విషయం తెలిసిందే. ఇప్పటికే విడుదలైన మేకింగ్ వీడియో సంచనాలను నమోదుచేస్తోంది. ఈ మ్యూజిక్ చూసిన నెటిజన్లు ఫిదా అయిపోతున్నారు. ఈ మేరకు సోషల్ మీడియాలో కామెంట్లు పెడుతున్నారు.
ఇక సినిమాలోనూ మ్యూజిక్ అద్భుతంగా ఉండబోతుందని వారు అభిప్రాయపడుతున్నారు. ఆర్ఆర్ఆర్ చారిత్రక చిత్రం కావడం.. ప్రపంచవ్యాప్తంగా విడుదల కాబోతుండటంతో ఈ మూవీపై ఆసక్తి నెలకొన్నది. ఇండియన్ సినిమాలోనే ఇదో ప్రత్యేక చిత్రంగా నిలిచిపోతుందని.. మ్యూజిక్ పరంగా కూడా ఎన్నో సంచలనాలు నమోదు చేస్తుందంటున్నారు సినీ విశ్లేషకులు. ఇక మూవీ దసరాకు విడుదల కాబోతుండటంతో.. ప్రేక్షకులు మాత్రం లిరికల్ సాంగ్స్ కోసం ఎదురుచూస్తున్నారు.
Also Read
చైతూకు నో చెప్పిన బేబమ్మ..! రీజన్ ఏమిటో?
అమీర్ఖాన్పై ఆరోపణలు.. స్పందించిన చిత్ర యూనిట్ ..!
అల్లు అర్హ బిగ్ స్క్రీన్ పై ఎంట్రీ కన్ఫర్మ్.. అల్లు అర్జున్ ఎమోషనల్ ..!