సంజయ్ లీలా భన్సాలీతో సినిమాలు చేసేందుకు ప్రముఖ బాలీవుడ్ నటులంతా క్యూ కడతారు. చారిత్రక చిత్రాలు, విభిన్న చిత్రాలు తెరకెక్కించడలో భన్సాలీది అందవేసిన చేయి. గతంలో తెరకెక్కించిన పద్మావత్, బాజీరావు మస్తానీ, దేవ్దాస్, సావారియా వంటి హిస్టారిక్ చిత్రాలు భన్సాలీ తెరకెక్కించినవే.ఇదిలా ఉంటే భన్సాలీ.. సల్మాన్ ఖాన్, అలియా భట్ హీరో హీరోయిన్లుగా ఇన్షల్లా అనే ఓ క్రేజీ ప్రాజెక్టును తెరకెక్కించాలని నిర్ణయించుకున్నారు.
ఈ మూవీ తన డ్రీం ప్రాజెక్ట్ అని కూడా భన్సాలీ ప్రకటించారు. అయితే ఈ సినిమా హీరో సల్మాన్ ఖాన్కు నిర్మాతలకు బేదాభిప్రాయాలు రావడంతో మూవీ చర్చల దశలోనే ఆగిపోయింది. అప్పటినుంచి ఈ చిత్రాన్ని పట్టాలెక్కించేందుకు భన్సాలీ ట్రై చేస్తున్నారు. అయితే ఇప్పటికే ఓ కొలిక్కి వచ్చినట్టు టాక్. సల్మాన్ ఖాస్ ప్లేస్లో హృతిక్ రోషన్ నటించబోతున్నట్టు టాక్ వినిపిస్తోంది.
ఇప్పటికే భన్సాలీ హృతిక్కు స్టోరీ వినిపించాడట. ఈ కథ హృతిక్ రోషన్కు కూడా నచ్చేసిందట. త్వరలోనే ఇందుకు సంబంధించిన అధికారిక సమాచారం బయటకు వచ్చే చాన్స్ ఉంది. ప్రస్తుతం భన్సాలీ “హీరా మండి” అనే వెబ్ సిరీస్ చేస్తున్నారు. “గంగూబాయి కతియావాడి” చిత్రాన్ని తెరకెక్కించాడు. వీటి తర్వాత “ఇన్షల్లా”స్టార్ట్ చేయబోతున్నాడు. 2022 ద్వితీయార్ధంలో “ఇన్షల్లా” సెట్స్ పైకి వెళ్లే అవకాశం ఉంది.
Also Read
సీఎం కుమారుడికి జోడీగా ఇస్మార్ట్ భామ..!