హీరో నితిన్ చంచల్ గూడ జైలు బాట పట్టాడు. తప్పు చేసిన వాల్లే జైలు బాట పడతారు అనుకుంటే పొరపాటే… సినిమా వాళ్లు కూడా షూటింగుల కోసం అప్పుడప్పుడు అలా జైలుకెళ్లొస్తుంటారు. నితిన్ తాజాగా హను రాఘవపూడి దర్శకత్వంలో ఓ సినిమా చేస్తున్న సంగతి తెలిసిందే.
ఈ సినిమా షూటింగులో భాగంగానే నితిన్ జైలుకెళ్లాల్సి వచ్చింది. 14 రీల్స్ ఎంటర్టైన్మెంట్ ప్రై. లిమిటెడ్ పతాకంపై రామ్ ఆచంట, గోపీచంద్ ఆచంట, అనీల్ సుంకర సంయుక్తంగా నిర్మిస్తున్నారు. . ఈ సినిమాలో నితిన్ పాత బస్తీ కుర్రాడిగా కనిపించనున్నాడు. ఈ చిత్రంలో నితిన్ గత సినిమాలకు భిన్నంగా గడ్డంతో న్యూ లుక్ తో కనిపించబోతున్నారు. ఇప్పటికే బయటకు లీకైన ఫోటోలకు మంచి స్పందన వస్తోంది. హైదరాబాద్ తో పాటు అమెరికాలో ఈ సినిమాను ఎక్కువగా చిత్రీకరించనున్నారు. ఈ సినిమాలో విలన్ గా యాక్షన్ కింగ్ అర్జున్ ను తీసుకున్నారు. స్టైలీష్ విలన్ గా ఆయన ఈ సినిమాలో కనిపించనున్నాడు.
Related