బాహుబలి సినిమాతో ప్రభాస్ కి ఏ రెంజ్ లో ఫాలోయింగ్ వచ్చిందో ప్రత్యేకంకగా చెప్ప‌క్క‌ర్లెద్దు. ప్రస్తుతం ప్రభాస్ సరే అంటే కోట్లు కుమ్మ‌రించి సినిమాలు తీయడానికి బడా నిర్మాతలు రెడీ గా ఉన్నారు. పారితోషికం కూడా ఊహించ‌నంత ఇవ్వ‌డానికి రెడీగా ఉన్నారు. ప్రస్తుతం ప్రభాస్ బాహుబలి-2 సినిమాతో బిజీగా ఉన్నాడు.
ఈ చిత్రం తర్వాత ఓ ప్రేమకథ చిత్రంలో నటించనున్నాడు. అయితే ప్రభాస్ బ్రాండ్ అంబాసిడర్ గా పెట్టుకోవడానికి కంపెనీలు ఆసక్తి కనబరుస్తున్నాయి. అయితే ప్రభాస్ మాత్రం ఆచితూచి అడుగేస్తున్నాడు. ఆ మధ్య మహేంద్ర వెహికిల్ కి బ్రాండ్ అంబాసిడర్ గా సైన్ చేశాడు. దానికి సంబధించిన షూట్ లో కూడా పాల్గొన్నాడు. ఇప్పుడు ప్రభాస్ కోసం మరో అద్భుతమైన ఆఫర్ వచ్చింది.
ఓ ఫిట్నెస్ బ్రాండ్.. ప్రభాస్ ని బ్రాండ్ అంబాసిడర్ గా అప్రోచ్ అయ్యింది. దీనికి కోసం రూ 5.5 కోట్ల భారీ అమౌంట్ ను ఆఫర్ చేసింది. అయితే ప్రభాస్ మాత్రం ఆ భారీ ఆఫర్ కు నో చెప్పాడట. వారి కాన్సెప్ట్ నచ్చలేదో, కంపెనీ నచ్చలేదో, కండీషన్స్ నచ్చలేదో గానీ ఈ ఆఫర్ ని సున్నితంగా తిరస్కరించేశాడట ప్రభాస్. రూ 5.5 కోట్ల అంటే భారీ మొత్తం. మరి ఇంత క్రేజీ ఆఫర్ ను ప్రబాస్ ఎందుకు వదులుకున్నట్లు? అన్న చర్చ జరుగుతోంది టాలీవుడ్ సర్కిల్స్ లో.
Related