అమెజాన్ ప్రైమ్లో విడుదలైన ది ఫ్యామిలీ మ్యాన్ వెబ్ సీరిస్ ప్రపంచవ్యాప్తంగా ప్రశంసలు అందుకున్నది. సీజన్ 1 ఓ రేంజ్లో ఆకట్టుకుంటే సీజన్ 2 అంతకు మించి దూసుకుపోయింది. ఇక సీజన్ 2లో రాజీ అనే తీవ్రవాది పాత్రలో నటించిన సమంత నటనకు అంతా ఫిదా అయిపోయారు. సామ్లో ఈ యాంగిల్ కూడా ఉందా? అంటూ ఆశ్చర్యపోయారు. ప్రస్తుతం డిజిటల్ ప్రేక్షకులు ఫ్యామిలీ మ్యాన్ సీజన్ 3 కోసం ఎంతో ఆసక్తిగా ఎదురుచూస్తున్నారు. ఇదిలా ఉంటే ఈ సిరిస్ను తెరకెక్కించిన దర్శకుడు రాజ్ అండ్ డీకే తెలుగు వారు అన్న విషయం తెలిసిందే.
ఇదిలా ఉంటే ఈ దర్శకద్వయం ప్రస్తుతం మరో ప్రతిష్ఠాత్మక వెబ్ సిరిస్ను తెరకెక్కించబోతున్నదట. ఈ ఆసక్తికరమైన సబ్జెక్ట్ను ఇప్పటికే సిద్ధం చేశారట. ఈ సీరిస్లో షాహిద్ కపూర్ కీలక పాత్రలో నటించబోతున్నాడట. ఆయనతో పాటు నటి రాశీ ఖన్నాకు కూడా చాన్స్ వచ్చినట్టు వార్తలు వస్తున్నాయి. ప్రస్తుతం రాశీ ఖన్నాకు పెద్దగా హిట్లు లేవు. దీంతో ఆమె ఓటీటీ లో చేసేందుకు ఓకే చెప్పింది.
అయితే ఫ్యామిలీ మ్యాన్ 2లో చేసిన సమంతకు ఎంత పేరు వచ్చిందో ప్రత్యేకంగా చెప్పనక్కర్లేదు. దీంతో ఈ సీరిస్లో చేసేందుకు రాశీ ఖన్నా ముందుకు వచ్చిందట. సస్పెన్స్ థ్రిల్లర్గా ఓ వైవిధ్యమైన కథాంశంతో ఈ మూవీ తెరకెక్కబోతున్నట్టు టాక్. త్వరలోనే ఇందుకు సంబంధించిన అధికారిక సమాచారం బయటకు రానున్నది.
Also Read
గర్జించిన రోర్ ఆఫ్ ఆర్ఆర్ఆర్..!
చేతినిండా సినిమాలుండే స్టార్ హీరో.. కాలేజ్ డేస్ లో ఏం చేసేవాడో తెలుసా..!