బాహుబలి.. ఈ సినిమాకి ఎలాంటి క్రేజ్ వచ్చిందో ప్రత్యేకించి చెప్పనకర్లేదు. ఈ సినిమాలో నటించిన ప్రతి ఒక్కరికి మంచి పేరు వచ్చింది. ఎస్.ఎస్.రాజమౌళి, ప్రభాస్ కాంబినేషన్ లో వచ్చిన ఈ సినిమా వెండితెర కళాఖండంగా కీర్తిపొందింది. బాహుబలి ఒక బ్రాండ్ గా మారిపోయింది. అంటువంటి సినిమా కోసం కష్టపడడంలో తప్పులేదు. కానీ నాలుగేళ్ళ పాటు అంకితం కావడం అంటే సామాన్యమైన విషయం కాదు.
రాజమౌళితో పాటు ఈ మూవీకోసం నడిచిన అలుపెరగని బాటసారి ప్రభాస్. ఇంకా బాహుబలి షూటింగ్ మూడ్ నుంచి యంగ్ రెబల్ స్టార్ బయటికి రాలేక పోతున్నారు. ఈ సినిమా కోసం ప్రభాస్ అంతలా కష్టపడటానికి కారణం ఏమిటి? అనే ప్రశ్న చాలా మందికి వచ్చే ఉంటుంది.
దానికి కథ అని, పేరు అని, డబ్బు అని రకరకాలుగా సమాధానం చెబుతుంటారు. అసలు డార్లింగ్ ఏమన్నారో తెలుసా… “నాలుగేళ్లుగా ఈ సినిమా కోసం పనిచేయడానికి ముఖ్య కారణం రాజమౌళి. ఆయనే నా ఇంట్రస్టింగ్ పాయింట్. ఆయన పని, ప్యాషన్ నాకు ఉత్సాహాన్ని కలిగిస్తాయి. ప్రతి పది రోజులకి స్క్రిప్ట్ కొత్తగా చూపిస్తారు. ఆ సీన్ చేయాలనే ఇంట్రస్ట్ కలిగిస్తారు. అలా ప్రతివారం ఫ్రెష్ ఫీలింగ్ తో షూటింగ్ కి వెళ్ళేవాణ్ణి. నేనే కాదు అందరికీ అలాంటి అనుభూతిని కలిగించారు రాజమౌళి. ఆయన లేకుంటే సినిమా చేయలేము” అని దర్శకధీరుడిపై ప్రశంసల జల్లు కురిపించారు.
{youtube}OZCTQYxMUsM{/youtube}
Related