తెలుగులో వరస అవకాశాలతో దూసుకెళ్తుంది అందాల భామ రెజీనా. ప్రస్తుతం ఈ ముద్దు గుమ్మ నారా రోహిత్‌తో క‌ల‌సి జ్యో అచ్యుతానంద అనే సినిమాలో నటిస్తోంది. ఈ సినిమాకి అవసరాల శ్రీనివాస్ దర్శకత్వం వహిస్తున్నారు. ఇప్పుడు అదే డైరెక్టర్ తో రెజీనా రొమాన్స్ చేయబోతుంది. హిందీలో ఘ‌న విజయం సాధించిన చిత్రం హంటర్.
ఈ చిత్రాన్ని ఇప్పుడు తెలుగులో రీమేక్ చేయబోతున్నట్లు తెలుస్తోంది. ఈ సినిమా ద్వారా న‌వీన్ ద‌ర్శ‌కుడిగా ప‌రిచ‌యం అవుతున్నాడు. ఇందులో అవసరాల శ్రీనివాస్, రెజీనా జంట‌గా నటించబోతున్నారట. సెక్స్ మానియా ఉన్న యువ‌కుడిగా అవసరాల శ్రీనివాస్ క‌నిపించ‌నున్నాడు.
బాలీవుడ్ లో కాస్త ఘాటుగా తీసిన చిత్రం ఇది. తెలుగు ప్రేక్ష‌కుల అభిరుచికి త‌గ్గ‌ట్టుగా ఆ డోసు కాస్త త‌గ్గిస్తున్నార‌ని తెల‌స్తోంది. మ‌రోవైపు న‌క్ష‌త్రం మూవీలోనూ కీ రోల్ చేస్తోంది. అంటే రెజీనా చేతిలో ఉన్న మూడో సినిమా ఇద‌న్న‌మాట. ఇక అతి త్వరలో ఈ హంటర్ సినిమా సెట్స్‌పైకి వెళ్లనుంది.
Related