బీసీసీఐ అధ్యక్షుడు, బెంగాల్ టైగర్, టీమిండియా మాజీ కెప్టెన్ సౌరవ్ గంగూలీ బయోపిక్ త్వరలో రాబోతున్నది. నిజానికి చాలా రోజులుగా దాదా బయోపిక్ వస్తున్నట్టు వార్తలు వచ్చాయి. కానీ తనమీద బయోపిక్ చేసేందుకు గంగూలీ ఒప్పుకోలేదు. దీంతో ఈ ప్రాజెక్టుకు అడుగులు పడలేదు. ఇదిలా ఉంటే తాజాగా బయోపిక్ చేసేందుకు తనకు ఎటువంటి అభ్యంతరం లేదని దాదా చెప్పడంతో బయోపిక్ తెరకెక్కబోతున్నది. ఇక బాలీవుడ్ చాక్లెట్ బాయ్ రణబీర్ కపూర్ హీరోగా నటించబోతున్నాడు.
అయితే ఈ సినిమా రూ. 200 కోట్ల భారీ బడ్జెట్తో తెరకెక్కబోతున్నట్టు నేరుగా గంగూలీ ప్రకటించాడు. ఈ సినిమా ప్రస్తుతానికి కేవలం హిందీలో మాత్రమే తెరకెక్కుతున్నది. ఈ సినిమాకు డైరెక్టర్ ఎవరు? అన్న విషయంపై ఇంకా క్లారిటీ లేదు. అయితే ఈ మూవీకి సంబంధించి ఇప్పటికే స్క్రిప్ట్ వర్క్ కూడా జరుగుతున్నట్టు టాక్. గంగూలీ గతంలో కొంతకాలం పాటు ప్రముఖ నటి నగ్మాతో ప్రేమలో ఉన్నాడు. ఈ విషయం కూడా బయోపిక్లో యాడ్ చేయబోతున్నట్టు సమాచారం.
ఎందుకంటే ఇది పబ్లిక్ డొమైన్లో ఉన్న విషయమే. ఇక ఇందులో హీరోయిన్గా ఎవరు నటించబోతున్నారు? తదితర విషయాలపై క్లారిటీ లేదు. మరోవైపు త్వరలోనే ఇందుకు సంబంధించి అధికారిక ప్రకటన వచ్చే చాన్స్ ఉంది. రణ్బీర్కు జోడీగా ఎవరు కనిపించబోతున్నారన్న విషయంపై ఇంకా క్లారిటీ లేదు.
Also Read
ద్రాక్షగుత్తి రూ. 7లక్షలు..! అంత స్పెషల్ ఏమిటంటే..!