తమిళ నటుడు విజయ్ సేతుపతి ప్రస్తుతం పాన్ఇండియా స్టార్గా ఎదిగాడు. భాషతో నిమిత్తం లేకుండా తమిళ, తెలుగు, హిందీ సినిమాల్లో ఆయన నటిస్తున్నారు. తెలుగులో ఉప్పెన చిత్రంలో నటించి ఇక్కడి ప్రేక్షకులకు మరింత దగ్గరయ్యాడు విజయ్ సేతుపతి. దీంతో ఆయన నటించిన తమిళ చిత్రాలను తెలుగులోకి డబ్ చేస్తున్నారు. ఇటీవల విక్రమార్కుడు అనే సినిమాను ఆహా ఓటీటీ వేదికగా తెలుగులో విడుదల చేసినప్పటికీ పెద్దగా ఆకట్టుకోలేదు.
అయితే విజయ్ సేతుపతి ట్రాన్స్జెండర్గా నటించిన తమిళ సినిమా సూపర్ డీలక్స్ ను తెలుగులోకి డబ్ చేసి ఆహాలో స్ట్రీమింగ్ చేయబోతున్నారు. ఈ మేరకు ఆహా ట్విట్టర్లో ఓ పోస్ట్ పెట్టింది. సూపర్ డీలక్స్లో విజయ్ నటనకు ప్రశంసలు దక్కాయి. ఈ సినిమాలో సమంతా అక్కినేని, రమ్యకృష్ణ, ఫాహద్ ఫాసిల్ కూడా కీలక పాత్రలు పోషించారు. ఆగస్టు 6న ఈ సినిమా స్ట్రీమింగ్ కాబోతున్నది.
తమిళ, మలయాళంలో సక్సెస్ అయిన చిత్రాలను ఆహా తెలుగులో డబ్ చేస్తోంది. ప్రతి వారం ఓ రెండు సినిమాలను స్ట్రీమింగ్ చేస్తుంది. ఈ వారం హీరో, నీడ చిత్రాలు విడుదలయ్యాయి. విజయ్ సేతుపతికి తెలుగులోనూ మంచి ఆదరణ ఉండటంతో.. ఆయన చిత్రాలను వరసగా డబ్ చేస్తోంది ఆహా. తమిళంలో సక్సెస్ అయిన సూపర్ డీలక్స్ చిత్రాన్ని తెలుగు ప్రేక్షకులు ఆదరిస్తారో? లేదో? వేచి చూడాలి.
Also Read
బిచ్చగాడు 2 వచ్చేస్తోంది.. డైరెక్టర్ ఎవరంటే?