ఇప్పుడు తెలుగు సినిమాల సక్సెస్ ను ఆ సినిమాలు చేసిన కలక్షన్లను బట్టి డిసైడ్ చేస్తున్నారు. అందుకే ఎక్కువ థియేటర్లలో సినిమాలను విడుదల చేసి బాక్స్ ఆఫీస్ ని బద్ధలుకొడుతున్నారు. ఈ రేసులో ఫస్ట్ డే, ఫస్ట్ వీక్ కలెక్షన్లు కీలకమవుతున్నాయి.
తొలి రోజు ఎక్కువగా కాసులు కురిపించిన చిత్రమే నిర్మాతలకు లాభాన్ని ఇస్తున్నాయి. అలా అత్యధిక వసూళ్లు రాబట్టిన టాప్ టెన్ సినిమాలు ఇవే..
* ప్రభాస్ నటించిన బాహుబలి చిత్రం తొలి రోజు 75 కోట్లను వసూల్ చేసి ఆశ్చర్యపరిచింది. మొదటివారానికి 225 కోట్లను కొల్లగొట్టి తిరుగులేదని అనిపించుకుంది. ఈ సినిమా మొత్తం మీద 602 కోట్లు రాబట్టి టాలీవుడ్ టాప్ గ్రాసర్ గా నిలిచింది.
* పవర్ స్టార్ పవన్ కళ్యాణ్ సర్దార్ గబ్బర్ సింగ్ గా ఆకట్టుకోకపోయినా.. ఆ సినిమా మాత్రం మొదటి రోజు 40 కోట్లు వసూల్ చేసి పవన్ పై అభిమానుల్లో ఉన్న క్రేజ్ ని చూపించింది. ఇక మూవీ మొదటి వారానికి 73 రాబట్టింది.
* సూపర్ స్టార్ మహేష్ బాబు నటించిన శ్రీమంతుడు తొలి రోజు 30 కోట్లను రాబట్టింది. మొదటివారం పూర్తి అయ్యేసరికి ఈ మూవీ 101 కోట్లను వసూల్ చేసి ప్రిన్స్ సత్తాను చాటింది. మొత్తం మీద 144 కోట్లతో మహేష్ శ్రీమంతుడు అనిపించుకున్నాడు.
* యంగ్ టైగర్ ఎన్టీఆర్ క్లాస్ నటించిన “నాన్నకు ప్రేమతో” సినిమా క్లాస్ ప్రజలను ఆకట్టుకొని మొదటి రోజు 24 కోట్లను తన అకౌంట్లో వేసుకుంది. తొలి వారానికి 43 కోట్లను వసూల్ చేసింది.
* ఈ ఏడాది విడుదలైన వాటిలో కలెక్షన్లతో రికార్డ్ సృష్టించింది జనతా గ్యారేజ్. తారక్ నటించిన ఈ సినిమా తొలి రోజు 20.5 కోట్లు వసూల్ చేయగా, మొదటి వారానికి వంద కోట్ల క్లబ్ లో చేరింది.
* స్టైలిష్ స్టార్ అల్లు అర్జున్ “సరైనోడు” చిత్రం మొదటి రోజు 14.4 కోట్లు కలక్షన్స్ పట్టి బ్లాక్ బస్టర్ గా నిలిచింది. తొలి వారానికి “సరైనోడు” ప్రపంచవ్యాప్తంగా 70 రాబట్టాడు. మొత్తానికి బన్నీ 127 కోట్లు కొల్లగొట్టి మెగా పవర్ చూపించాడు.
* అత్తారింటికి దారేది చిత్రం విడుదలై మూడేళ్లు అవుతున్నా, ఆ సినిమా నమోదు చేసిన రికార్డులు పవన్ కళ్యాణ్ రేంజ్ ని గుర్తుచేస్తున్నాయి. ఈ మూవీ తొలి రోజు 10 కోట్లు వసూల్ చేసింది. తొలి వారానికి 47 కోట్లను రాబట్టింది.
* మెగా పవర్ స్టార్ రామ్ చరణ్ తేజ్ నటించిన బ్రూస్ లీ తొలి రోజు 10 కోట్లు వసూల్ చేయగా, మొదటి వారానికి 53 కోట్లను రాబట్టింది. ఈ సినిమాపై మిశ్రమ స్పందన వచ్చినప్పటికీ వారంలోనే 50 కోట్ల క్లబ్ లో బ్రూస్లీ చేరడం విశేషం.
* కొత్త కథ, కథనంతో ఎవడు మెగా ఫ్యాన్స్ ని అలరించింది. రామ్ చరణ్ యాక్షన్ సీన్స్ తో అదరగొట్టిన ఈ మూవీ ఫస్ట్ డే 8.65 కోట్లు, ఫస్ట్ వీక్ 36 కోట్లు వసూల్ చేసింది.
* చెర్రీ నటించే చిత్రాలు మినిమమ్ గ్యారంటీ అని అతని చిత్రాల రికార్డులను పరిశీలిస్తే అర్ధమవుతుంది. కృష్ణవంశీ దర్శకత్వంలో రామ్ చరణ్ నటించిన గోవిందుడు అందరివాడేలే సినిమా తొలి రోజు 8.55 కోట్లు, తొలి వారం 27.5 కోట్లు రాబట్టింది.
Related