టాలీవుడ్ లో పవర్ స్టార్ పవన్ కళ్యాణ్ కి, సూపర్ స్టార్ మహేష్ బాబుకి ఎలాంటి క్రేజ్ ఉందో ప్రత్యేకంగా చెప్పకర్లేదు. ఈ ఇద్దరి సినిమాలు రిలీజ్ అవుతున్నాయి అంటే బాక్స్ ఆఫీస్ బద్దలవ్వాల్సిందే. ఇక సినిమా సూపర్ హిట్ అయితే కలక్షన్లు ఊహించని రెంజ్ లో వస్తాయి. అందుకే వీలైనంత వరకు ఈ ఇద్దరి సినిమాలు ఒకేసారి రాకుండా చూసుకుంటారు నిర్మాతలు. అయితే ప్రస్తుతం పవన్ నటిస్తున్న కాటమరాయుడు సినిమా విడుదల తేదిని ఎనౌన్స్ చేశారు.
ఈ ఎనౌన్స్ రాగానే వెంట‌నే ప్రిన్స్ మ‌హేష్‌బాబు అయోమ‌యంలో ప‌డ్డాడ‌ని తెలుస్తోంది. పవన్ సినిమా రిలీజ్ డేట్‌కు మహేష్ అయోమ‌యానికి కార‌ణం ఏంటంటే మహేష్ – మురుగదాస్ కాంబినేషన్‌లో భారీ బడ్జెట్‌తో తెరకెక్కుతోన్న సినిమా (వ‌ర్కింగ్ టైటిల్ ఏజెంట్ శివ)ను మార్చి నెలాఖర్లో రిలీజ్ చేసేందుకు చిత్ర యూనిట్ ప్లాన్ చేస్తోంది. దర్శకధీరుడు రాజమౌళి తెరకెక్కిస్తోన్న ‘బాహుబలి 2’ ఏప్రిల్ నెలాఖర్లో రానుండడంతో ఆ సినిమాకు నెల రోజుల ముందొస్తే బాగుంటుందని ఈ చిత్ర నిర్మాతలు భావించారు.
అయితే ఇప్పుడు కాటమరాయుడు సినిమాను మార్చి 29న రిలీజ్ చేస్తామ‌ని ఎనౌన్స్ చేయ‌డంతో మహేష్ నిర్మాత‌ల ప్లాన్ మొత్తం రివ‌ర్స్ అయిపోయింది. ఇప్పుడు ఏప్రిల్, మే నెలలు కాటమరాయుడు – బాహుబలి 2 సినిమాలతోనే నిండిపోనున్నాయి. దీంతో మహేష్ సినిమా వస్తే.. మే తర్వాతే రావాల్సి ఉంటుంది. దీంతో వేసవిలో మహేష్ సినిమా రిలీజ్ అయ్యే చాన్స్ లు చాలా తక్కువే. దీంతో మహేష్ నిర్మాతలు ఏం చేయాలో అర్ధంకాక టెన్షన్ లో ఉన్నారట.
Related