మెగా స్టార్ చిరు నటిస్తున్న 150వ చిత్రంపై రోజుకో వార్త వస్తోంది. ఇటివలే ఈ చిత్రంకు సంబంధించి మొదటి షేడ్యూల్ కంప్లీట్ అయ్యింది. కాకపోతే ఈ చిత్రంలో నటించే హీరోయిన్ ఎవరు అనే విషయంపై మాత్రం ఇంకా క్లారిటీ రావడం లేదు. ఇక తమిళంలో సూపర్ హిట్ అయిన కత్తి సినిమాని తెలుగులో చిరు తన 150వ చిత్రం గా రీమేక్ చేస్తున్నారు.
ఈ సినిమాకి వినాయక్ దర్శకత్వం వహిస్తుండగా, రామ్ చరణ్ నిర్మిస్తున్నారు. అయితే కొద్ది రోజులుగా ఈ చిత్ర టైటిల్ పై కొన్ని వార్తలు వస్తున్న విషయం తెలిసిందే. మొదట ఈ సినిమాకి కత్తిలాంటోడు అనే టైటిల్ పెట్టినట్లు కొన్ని రూమార్స్ వచ్చాయి. తర్వాత ఈ చిత్రంకు టైటిల్ పెట్టాలేదు అని రామ్ చరణ్ క్లారిటీ ఇచ్చాడు. ఆ తర్వాత ఖైదీ నెం. 150 అనే టైటిల్ పెట్టినట్లు వార్తలు వచ్చాయి. అలాగే లేటేస్ట్ గా ఈ సినిమాకి నెపోలియన్ అనే టైటిల్ పెట్టినట్లు గుస గుస వినిపించాయి.
అయితే ఈ నెపోలియన్ పేరుతో దర్శకుడు అనంద్ రవి ముందుగానే ఫిల్మ్ ఛాంబర్ లో టైటిల్ రిజిస్ట్రేషన్ చేయించుకున్నాడు. దాంతో చిరు సినిమాకి నెపోలియాన్ అనే టైటిల్ కాదు అని తెలిసిపోయింది. అయితే టాలీవుడు వర్గాల నుంచి అందుతున్న సమాచరం మేరకు.. ఈ సినిమాకి ఖైదీ నెం. 150 అని పెట్టే ఆలోచనలో ఉందట చిత్ర యూనిట్. ఎందుకంటే ఈ చిత్రంలో రెండు పాత్రలు ఉంటాయి. అందులో ఓ పాత్ర జైల్ లో ఉండే పాత్ర. ఇటివలే ఈ చిత్రం నుంచి లీక్ అయిన ఫోటోస్ లో కూడా చిరు చొక్క మీద 150 అనే ఉంటుంది. సో మొత్తానికి ఈ సినిమాకి ఖైదీ నెం. 150 అని పెట్టాలని చూస్తున్నారట. మరి ఈ టైటిల్ పై క్లారిటీ రావాలి అంటే కొద్ది రోజులు ఆగాల్సిందే.
Related