మహేష్ – కొరటాల శివ కాంబినేషన్ లో వచ్చిన శ్రీమంతుడు సినిమా ఎలాంటి విజయం సాధించిందో ప్రత్యేకంగా చెప్పకర్లేదు. ఈ చిత్రం తర్వాత వీరిద్దరి కాంబినేషన్లో మరో సినిమా రాబోతోంది. వచ్చే ఏడాది ఈ చిత్రం ప్రారంభం కాబోతోంది. అయితే ఈ సినిమాకి సంబంధించి స్టోరీ ఇదే అంటూ కథలు కథలుగా చెప్పుకుంటున్నారు.
లీకైన లైన్ ప్రకారం నిన్ను నువ్వు బాగా ఇష్టపడు, అప్పుడు నీ చుట్టూ ఉన్నవాళ్లు నిన్ను మరింతగా ఇష్ట పడతారు అన్న కాన్సెప్ట్ తో మహేష్ – కొరటాల శివ ల చిత్రం రూపొందనుందట. దర్శకులు కొరటాల శివ నేను సందేశం ఇవ్వను ,ఎవరైనా ఇస్తే తీసుకొను అని అంటాడు కానీ అతడు చేస్తున్న చిత్రాలు ఏదో ఒక సందేశాన్ని ఇస్తూనే ఉన్నాయి. కొరటాల ఇప్పటివరకు మూడు సినిమాలు చేశారు.
ఈ మూడు సినిమాలు కూడా ఎదో ఒక సందేశాన్ని ఇచ్చినవే. ఇప్పుడు మహేష్ సినిమాతో చేయబోతున్న సినిమా కూడా ఓ మంచి సందేశాన్ని ఇచ్చేదే అని తెలుస్తోంది. ఇక ఈ సినిమాని మహేష్ – కొరటాల శివ లు సంయుక్తంగా నిర్మించడానికి ప్లాన్ చేస్తున్నారు.
Related