టాలీవుడ్ లో ఈ వయస్సు లో కూడా ఇంకా మన్మథుడిగానే కనిపిస్తాడు కింగ్ నాగార్జున. మనం, ఊపిరి, సోగ్గాడే చిన్ని నాయన వంటి సినిమాలతో వరస సూపర్ హిట్స్ అందుకున్న నాగ్ ఈ వయస్సులో కూడా యంగ్ హీరోలకు మంచి పోటీ ఇస్తున్నాడు. త్వరలో నాగ్ నటించిన ‘ఓం నమో వేంకటేశాయ’ అనే చిత్రం ప్రేక్షకుల ముందుకు వస్తున్నాడు. కె.రాఘవేంద్రరావు డైరెక్షన్ లో తెరకెక్కిన ఈ చిత్రం ఫిబ్రవరి 10న రిలీజవుతున్న సంగతి తెలిసిందే.
ఈ సినిమా ఆధ్యాత్మిక చిత్రం అవ్వటం వల్ల మాస్ ప్రేక్షకుల్ని సూర్య సినిమానే ఎక్కువ ఆకట్టుకుంటుంది అనడంలో సందేహం లేదు. నాగార్జున చిత్రంకు పోటీగా మరో స్టార్ హీరో చిత్రం రిలీజ్ అవుతుండడంతో ఈ ఇద్దరి మధ్య బాక్సాఫీస్ వేదికగా పెద్ద ఫైటింగ్ తప్పేలా లేదు. కోలీవుడ్ స్టార్ హీరో సూర్య ‘ఎస్-3’ మూవీ రిలీజ్ డేట్ అంటూ చాలా ప్రకటనలు చూశాం. ఇప్పుడు మరో డేట్ వచ్చింది. రెండు రోజుల కిందట ఈ సినిమాను జనవరి 26 నుంచి వాయిదా వేస్తున్నట్లు ప్రకటించిన సంగతి తెలిసిందే.
ఇక ఇప్పుడు కొత్తగా ఎస్-3కు ఫిబ్రవరి 10ని కొత్త డేట్గా ఎనౌన్స్ చేశారు. దీంతో ఈ రెండు సినిమాలు ఒక రోజు తేడాలో వస్తున్నాయి. తెలుగులో కూడా ఎస్-3పై మంచి అంచనాలు ఉన్నాయి. దీంతో బాక్సాఫీస్ వద్ద వీరిద్దరి మధ్య పెద్ద వార్ జరగనుందని ట్రేడ్ వర్గాలు అంచనా వేస్తున్నాయి. ఇక హరి దర్శకత్వంలో ఎస్-3 తెరకెక్కింది.
Related