బాలీవుడ్ నటి విద్యాబాలన్ తన భర్త సిద్ధార్థ్ రాయ్ కపూర్ తో తనకు విభేదాలు వచ్చాయని వస్తున్న రూమర్లపై తీవ్రంగా స్పందించింది. ఆ వివరాళ్ళలోకి వెళితే.. బాలీవుడ్ నిర్మాత సిద్ధార్థ్‌రాయ్‌ కపూర్‌తో విద్యాబాలన్ కి నాలుగేళ్ల క్రితం పెళ్లి అయిన విషయం తెలిసిందే.
అయితే ఇటీవల విద్యకు భర్తతో విబేధాలు తలెత్తాయని.. ఆమె విడాకులు తీసుకోనుందని బాలీవుడ్ మీడియా లో వార్తలు జోరుగా హల్ చల్ చేశాయి. అలాగే విద్య గర్భవతి అని కూడా ఇప్పటికే పలుసార్లు వార్తలు పుట్టించారు బాలీవుడ్ సినీ వర్గాలు. దీనిపై విద్యాబాలన్ తీవ్రంగా స్పందించింది.
ఇవన్నీ అవాస్తవాలని.. ఇలాంటి వార్తలు ఎలా పుట్టుకొస్తాయో తెలియడం లేదని చెప్పింది. గతంలో కూడా తన ప్రెగ్నెన్సీపై పలు కథనాలు వెలువడ్డాయని.. తనను ప్రతినెలా గర్భవతిని చేశారని మండిపడింది. మొదట్లో ఇలాంటి రూమర్ల పట్ల కొంచెం బాధ పడేదాన్నని.. ఆ తర్వాత వాటిని పట్టించుకోవడం మానేశానని విద్యాబాలన్ చెప్పింది.
Related