తమిళ విలక్షణ నటుడు విజయ్ సేతుపతి వరస అవకాశాలతో దూసుకుపోతున్నాడు. ఆయనకు పాన్ ఇండియా లెవెల్లో అనేక అవకాశాలు వస్తున్నాయి. ప్రస్తుతం డేట్స్ కూడా ఖాళీ లేవు. అంత బిజీ అయిపోయాడు విజయ్ సేతుపతి. అది హీరో వేషమా? విలన్ వేషమా? అన్నది విజయ్కు అనవసరం. తను చేయబోయే పాత్రలో నటనకు స్కోప్ ఉందంటే విజయ్ ఓకే చెబుతుంటాడు. ఇలా తమిళంతోపాటు తెలుగు, కన్నడ, హిందీల్లోనూ అవకాశాలు దక్కించుకుంటున్నాడు విజయ్ సేతుపతి.
రాక్షసన్ చిత్రాన్ని తెలుగులో రాక్షసుడు పేరుతో రీమేక్ చేసిన విషయం తెలిసిందే. బెల్లం కొండ శ్రీనివాస్ హీరోగా నటించాడు. ఈ మూవీ తమిళంతోపాటు తెలుగులోనూ సూపర్ హిట్ అయ్యింది. ప్రస్తుతం ఈ మూవికి సీక్వెల్ తీయాలని భావిస్తున్నాడట తెలుగు రీమేక్ తెరకెక్కించిన రమేశ్ వర్మ. నిజానికి మాతృక అయిన తమిళంలో ఈ మూవీ సీక్వెల్ తీయలేదు. కానీ తెలుగులో తీయాలని భావిస్తున్నాడు. రీమేక్లో హీరోగా విజయ్ సేతుపతిని తీసుకోబోతున్నట్టు సమాచారం.
ఇప్పటికే దర్శకుడు రమేష్ వర్మ.. చెన్నై వెళ్లి విజయ్ సేతుపతిని కలిసి కథను వివరించాడు. ఆయనకు కూడా నచ్చేసింది. అయితే ప్రస్తుతం విజయ్కు డేట్స్ ఖాళీగా లేవు. మరోవైపు రమేశ్ వర్మ ప్రస్తుతం రవితేజతో ఖిలాడీ సినిమాను తెరకెక్కిస్తున్నాడు. ఈ మూవీ పూర్తయిన వెంబడే.. రాక్షసుడు 2 కూడా సెట్స్ మీదకు వెళ్లే చాన్స్ ఉంది. విజయ్ సేతుపతిని హీరోగా పెట్టుకుంటే ఈ మూవీ mని పాన్ ఇండియా లెవెల్లో విడుదల చేయొచ్చని భావిస్తున్నారట మేకర్స్. ఈ మూవీ ఎప్పుడు వస్తుందో వేచి చూడాలి.
Also Read
బోయపాటి కథకు ఫిదా ..! గ్రీన్ సిగ్నల్ ఇచ్చిన బన్నీ..!