అక్కినేని నాగచైతన్య, సమంత ప్రేమించుకున్న విషయం తెలిసిందే. త్వరలోనే వీరిద్దరు భార్యాభర్తలు కూడా కాబోతున్నారు. వీరి పెళ్లి వచ్చే యేడాది కాబోతుంది. అయితే సమంత పెళ్లి కారణంగా సినిమాలు బాగా తగ్గించేసింది. ఈ క్రమంలోనే ఆమె తనకు కాబోయే భర్త నాగచైతన్య హీరోగా సోగ్గాడే చిన్ని నాయనా ఫేం కురసాల కళ్యాణ్కృష్ణ దర్శకత్వంలో తెరకెక్కే సినిమాలో హీరోయిన్గా నటించేందుకు ముందు ఓకే చెప్పింది.
అయితే ఆ తర్వాత ఆ చిత్రం నుంచి సమంత సడెన్ గా తప్పుకుంది. అయితే సమంత మిగిత హీరోల సినిమాలు ఒప్పుకొని తన కాబోయే భర్త సినిమా నుంచి ఎందుకు సడెన్గా తప్పుకుందా అన్న సందేహాలు అందరిలోను వ్యక్తమయ్యాయి. ఈ చిత్రం నుంచి సమంత తప్పుకోవడానికి కారణం ఆమెకు కాబోయే మామగారు నాగార్జునే కారణమన్న టాక్ ఇండస్ట్రీలో వినిపిస్తోంది. భార్యాభర్తలు కాబోతున్న ఈ జంటను చివరిగా తెరపై చూపిస్తే బాగుంటుందని డైరెక్టర్ కళ్యాణ్కృష్ణ భావించాడట.
అయితే నాగార్జున మాత్రం ఈ ప్రదిపాదనకు నో చెప్పాడట. నాగ్ సమంతను తప్పించి ఆ ప్లేస్లో రకుల్ప్రీత్ను ఫిక్స్ చేశాడట. కాబోయే భార్యాభర్తలు పెళ్లికి ముందు ఒకేచోట కలిసి పనిచేయడం మంచిది కాదని, ఇద్దరి మధ్యా ఏవైనా విభేదాలు తలెత్తితే మొదటికే మోసం వస్తుందని నాగ్ హెచ్చరించాడట. కాబోయే మామగారు నాగ్ అలా హెచ్చరించడంతో సమంత ఈ ప్రాజెక్టు నుంచి తప్పుకుంది. అయితే తాజా సమాచారం ప్రకారం సమంత సుకుమార్-రామ్చరణ్ చిత్రంలో ఓకే అయ్యినట్లు తెలుస్తోంది.
Related