సినీ పరిశ్రమలో హీరోయిన్ అవుదాం అని ఎందరో మోడల్స్ కోరుకోవడం, వారి కోరికను కొందరు అలుసుగా తీసుకొని అత్యాచారాలకు పాల్పడటం లాంటి సంఘటనలు చాలానే చూసాం. తాజాగా ఇలాంటి సంఘటన మరోకటి జరిగింది. టాప్ హీరోయిన్ ని చేస్తా అని ఓ డైరెక్టర్ ఓ మోడల్ ను రేప్ చేయడమే కాకుండా మరో ఇద్దరు వ్యక్తులతోనూ అత్యాచారం చేయించాడు. తాను మోసపోయానని తెలుసుకున్న ఆ మోడల్ పోలీస్‌ స్టేషన్ మెట్లెక్కింది.
పూర్తి వివరాల్లోకి వెళ్తే.. మోడల్ గా మొదలు పెట్టి హీరోయిన్ అవ్వాలి అని ప్రయత్నాలు మొదలు పెట్టింది ఓ భామ. అప్పుడే ఇమ్రాన్ ఖాన్ హీరోగా తన డైరెక్షన్ లో హీరోయిన్ గా చాన్స్ ఇస్తాను అని చెప్పాడట బాలీవుడ్ దర్శకుడు అర్హాన్ అక్తర్. అయితే తన కోరిక తీరిస్తేనే ఈ ఛాన్స్ ఇస్తాను అని చెప్పాడట ఆ దర్శకుడు. సరే అని ఆ మోడల్ ఆ దర్శకుడి కోరిక తీర్చింది. అంతేకాకుండా ఆ దర్శకుడు చెప్పినట్లు మరో ఇద్దరి దగ్గరకు కూడా వెళ్ళింది.
తాను తీయబోతున్న సినిమా నిర్మాతని ఇద్దరు పైనాన్షియర్ల వద్దకు కూడా వెళ్లమని చెప్పగా.. లక్నో, డిల్లీకి చెందిన పైనాన్షియర్ల వద్దకు ఆ మోడల్ వెళ్లింది. ఇలా ఆ దర్శకుడు చెప్పినట్లుగా కోరిక తీర్చుకుంటూ పోయింది కానీ.. ఆమెకు చాన్స్ మాత్రం దక్కలేదు. దాంతో తాను మోసపోయాను అని గుర్తించిన ఆ మోడల్ పోలీసులను ఆశ్రయించింది. చాన్స్ ఇస్తాను అని అర్హాన్ అక్తర్ తో పాటు మరో ఇద్దరు పైనాన్షియర్లు తనను మోసం చేయడంతో పాటు అత్యాచారం చేశారని ఆరోపించింది. ఆమె పిర్యాదు మేరకు పోలీసులు కేసు నమోదు చేసి దర్యప్తు చేసున్నారు.
Related