టాలీవుడ్ లో సొంతం సినిమాతో ఎంట్రీ ఇచ్చిన నమిత.. ఆ తర్వాత జెమిని, ఒకరాజు ఒకరాణి, బిల్లా సినిమాలతో పాటు పలు సినిమాల్లో నటించింది. ఈ చిత్రాలు అన్ని పెద్దగా సక్సెస్ కాకపోవడంతో నమితకు అదృష్టం కలిసి రాలేదు.
2010లో విడుదల అయిన సింహా సినిమా తర్వాత మళ్లీ తెలుగులో సినిమా చేయలేదు నమిత. దాదాపు ఏడేళ్ల విరామం తర్వాత ఆమె టాలీవుడ్ లో మళ్లీ ఓ సినిమా చేయబోతున్నట్లు తెలుస్తోంది. ప్రవీణ్ సత్తారు దర్శకత్వంలో అడల్ట్ కామెడీ కథాంశంతో తెరకెక్కిన సినిమా గుంటూర్ టాకీస్. బాక్సాఫీస్ వద్ద మంచి కలెక్షన్స్ రాబట్టిన ఈ సినిమాకి సీక్వెల్ రానుంది. గుంటూర్ టాకీస్-2 పేరుతో రాబోతున్న ఈ సినిమాని రాజ్ కుమార్ స్వీయ దర్శకత్వంలో నిర్మించనున్నారు.
ఇందులో నమిత కీలక పాత్రను చేయబోతున్నట్లు తెలుస్తోంది. తెలుగుతో పాటు తమిళంలోనూ ఈ చిత్రం తెరకెక్కబోతుంది. ఇక ఇదే సినిమాలో సన్నీలియోన్ తో పాటు సౌత్ హాట్ భామ నమితను కూడా నటింపజేయబోతున్నారు. ఇటివలే ఈ సినిమా సంబంధించి నమితతో చర్చలు జరిపాడు. వీరిద్దరితో పాటు నికిషా పటేల్ ను కూడా ఈ సినిమా కోసం ఎంపిక చేసినట్లు తెలుస్తోంది. ఈ ముగ్గురుతో తెరకెక్కబోతున్న ఈ గుంటూర్ టాకీస్ 2 సినిమా ప్రేక్షకులను ఎలా కనువిందు చేస్తుందో చూడాలి.
Related