బాహుబలి 2 మూవీ ఎలాంటి విజయం సొంతం చేసుకుందో ప్రత్యేకించి చెప్పనక్కర్లేదు. ప్రస్తుతం ఈ సినిమా కలెక్షన్ల వర్షం కురిపిస్తోంది. ఎక్కడ చూసిన ఇప్పుడు ఈ సినిమా గురించే మాట్లాడుకుంటున్నారు. రాజమౌళి అద్భుతంగా తెరకెక్కించిన ఈ సినిమాలో ప్రభాస్, రానా, అనుష్క, రమ్యకృష్ణ ల నటనకు ప్రశంసలు అందుతున్నాయి.
ఇక అలాగే సమంత తన పుట్టినరోజు సందర్భంగా చిన్నారులను బాహుబలి 2 సినిమాకి తీసుకెళ్లింది. కానీ రికార్డులు, కలెక్షన్ల సునామీ సృష్టిస్తున్న బాహుబలి 2 సినిమాకు వెళ్లిన సమంత.. పట్టుమని అరగంట కూడా సినిమా చూడకుండా బయటకు వచ్చేసిందట. దాదాపు 40 మంది చిన్నారులతో హైదరాబాద్‌లోని ఓ థియేటర్లో సినిమా చూసేందుకు వెళ్లిన సమంత.. సినిమా స్టార్ట్ అయిన 20 నిమిషాల తర్వాత బయటకు వచ్చేయడానికి ఏసీనే కారణమట. థియేటర్లో ఏసీ సరిగ్గా పనిచేయకపోవడంతో ఊపిరాడక సమంత బయటికి వచ్చేసినట్లు సమాచారం.
ఇక ఆ మూవీ థియేటర్ యాజమాన్యంపై బాహుబలి టీమ్ అసంతృప్తి వ్యక్తం చేయగా.. థియేటర్ యజమాని సారీ చెప్పినట్లు తెలుస్తోంది. సో మొత్తానికి బాహుబలి సినిమా చూద్దాం అని వెళ్ళిన సమంతకు ఆ థియేటర్ ఊపిరాడకుండా చేసింది. ఏది ఏమైన సమంత సినిమా మొత్తం చూసిందో లేదో కానీ బాహుబలి2 పైన మాత్రం అభినందిస్తూ ట్విట్టర్లో ట్వీట్ చేస్తోంది.
Related