హీరో విష్ణు ఇప్పుడు మంచి జోష్ మీద ఉన్నాడు. గ‌తేడాది ఈడోరకం – ఆడోరకం సినిమాతో మంచి హిట్ తన ఖాతలో వెసుకున్న ఈ హీరో ప్రస్తుతం ‘లక్కున్నోడు’ అనే చిత్రంలో నటిస్తున్నాడు. ఈ చిత్రం షూటింగ్ మొత్తం పూర్తి చేసుకుని పోస్ట్ ప్రొడక్షన్ పనులు జరుపుకుంటోంది. ఫిబ్ర‌వ‌రిలో ఈ లక్కున్నోడు చిత్రం విడుదలకు సిద్ధం అవుతోంది. ఇక ఈ చిత్రం షూటింగ్ అలా పూర్తి అయ్యిందో లేదో విష్ణు వెంట‌నే తన కొత్త చిత్రంను మొదలు పెట్టాడు.
ఈ కొత్త సినిమాకు సంబంధించి ఇప్పటికే ప్రీ ప్రొడక్షన్ పనులు మొదలయ్యాయి. కంప్లీట్ రొమాంటిక్ ఎంట‌ర్‌టైన‌ర్‌గా తెర‌కెక్కుతోన్న ఈ సినిమాలో విష్ణు ఇద్ద‌రు హీరోయిన్ల‌తో రొమాన్స్‌కు రెడీ అవుతున్నాడు. ఆ ఇద్దరిలో మెయిన్ హీరోయిన్‌గా మ‌ళ‌యాళ హీరోయిన్ మియా జార్జ్‌ను ఎప్పుడో సెల‌క్ట్ చేశారు.
ఇప్పుడు రెండో హీరోయిన్‌గా విష్ణు త‌మ్ముడు మనోజ్ ఎటాక్, నాని జెంటిల్‌మ‌న్ సినిమాల్లో న‌టించిన సుర‌భిని ఎంపిక చేశారు. విష్ణు సోద‌రుడు మనోజ్ – రాంగోపాల్ వ‌ర్మ కాంబోలో వ‌చ్చిన ఎటాక్ సినిమాలో సురభి మనోజ్ ల‌వ‌ర్‌గా న‌టించింది. ఇప్పుడు అదే సురభి విష్ణు ప‌క్క‌న రొమాన్స్‌కు రెడీ అవుతోంది. ఈ చిత్రంలో విష్ణు డిఫరెంట్ లుక్ లో కనిపిస్తుండటంతో అతనికి జోడీగా సురభి అయితే బాగుంటుందని ఆమెను సెలెక్ట్ చేసుకున్నారట దర్శకనిర్మాతలు. ఈ నెల చివరిలో ఈ సినిమా సెట్స్‌మీద‌కు వెళ్లనుంది.
Related