యుద్ధ వాతావరణంలో జర్నలిస్టులు ఎదుర్కొనే ప్రమాదాలను గుర్తుచేసే షాకింగ్ ఘటన వెలుగులోకి వచ్చింది. లైవ్లో రిపోర్టింగ్ చేస్తుండగా ఒక్కసారిగా క్షిపణి దూసుకువచ్చిన సంఘటన అందరినీ ఉలిక్కిపడేలా చేసింది.
RT మీడియా సంస్థకు చెందిన జర్నలిస్టు స్టీవ్ స్వీని లైవ్ రిపోర్టింగ్ చేస్తుండగా ఈ ఘటన చోటుచేసుకుంది. యుద్ధ పరిస్థితులపై వివరిస్తున్న సమయంలోనే క్షిపణి సమీపంలో పడటం తీవ్ర భయాందోళనకు గురి చేసింది.
రిపోర్టింగ్ జరుగుతుండగానే ఒక్కసారిగా పెద్ద శబ్దంతో క్షిపణి దూసుకువచ్చింది. అయితే అదృష్టవశాత్తూ జర్నలిస్టుకు ఎలాంటి గాయాలు కాలేదు. ఆయన త్రుటిలో ప్రాణాపాయం నుంచి బయటపడ్డారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్గా మారింది. యుద్ధ ప్రాంతాల్లో పనిచేస్తున్న జర్నలిస్టుల ప్రమాదకర పరిస్థితులను ఈ వీడియో స్పష్టంగా చూపిస్తోంది.
ప్రపంచవ్యాప్తంగా యుద్ధ ప్రాంతాల్లో పనిచేసే జర్నలిస్టులు తరచుగా ఇలాంటి ప్రాణాపాయ పరిస్థితులను ఎదుర్కొంటున్నారు. అయినప్పటికీ నిజాలను ప్రజలకు చేరవేయడానికి వారు తమ ప్రాణాలను సైతం పణంగా పెడుతున్నారు.