చక్కిని అందం.. అమృతం లాంటి మాటలు అనుపమ పరమేశ్వరన్ సొంతం. అ ఆ చిత్రంతో టాలీవుడ్ లోకి అడుగుపెట్టింది. అయితే అప్పటికే ఈ భామ కేరళలో యువకుల గుండెల్లో అలజడి రేపింది. ఇటివలే వచ్చిన ప్రేమమ్ తో ఇక్కడి కుర్రకారుకి నిద్రలేకుండా చేసింది.
ప్రస్తుతం వరస సినిమాలతో దూసుకుళ్తున్న ఈ భామ రియల్, రీల్ లైఫ్ సీక్రెట్స్..
* అనుపమ స్వస్థలం త్రిసూర్‌ జిల్లాలోని ఇరుంగళకుడ (కేరళ). తండ్రి పరమేశ్వరన్ విదేశాల్లో ఉద్యోగం చేస్తారు. అమ్మ సుజాత గృహిణి.
* బెస్ట్ స్టూడెంట్ అనుపమ. చిన్నతనం నుంచీ బాగా చదివేది. మార్కులూ బాగా వచ్చేవి. అయినా సినిమాలంటే చెప్పలేనంత ఇష్టం. ఐశ్వర్యారాయ్‌, దీపికా పదుకొణెకి వీరాభిమాని.
* ప్లస్‌ వన్‌ చదువుతున్న అనుపమకు ‘ఓ చిత్రానికి కథానాయిక కావాలి. ఆసక్తి ఉన్నవారు ఫొటోలు పంపండి’ అని పేపర్లో వచ్చిన ప్రకటన ఆకర్షించింది. స్నేహితురాళ్లు సెల్‌ఫోనులో తీసిన ఫొటోలను పంపించింది. అలా కష్టపడకుండకుండానే అనుపమను ప్రేమమ్ అవకాశం వరించింది.
* మలయాళంలో నిర్మితమయిన ‘ప్రేమమ్’లో అనుపమ విద్యార్థిని మేరీ జార్జ్‌ పాత్ర పోషించింది. ఈ సినిమా సూపర్ హిట్ అయి అనుపమను డ్రీమ్ గర్ల్ చేసింది.
* అనుపమ తెలుగులో చేసిన మొదటి సినిమా అ..ఆ. దర్శకుడు త్రివిక్రమ్ ఇచ్చిన ప్రోత్సాహంతో నాగవల్లి పాత్రకు సొంతంగా డబ్బింగ్ చెప్పుకుంది. ఆమె నటనతో పాటు వాయిస్ తెలుగు ప్రేక్షకులను ఆకట్టుకుంది.
* అ ఆ చిత్రీకరిస్తున్నప్పుడే అనుపమకు తెలుగు ‘ప్రేమమ్’లో నటించే అకాశం వచ్చింది. నాగచైతన్య పక్కన సుమ రోల్ లో మైమరపించింది.
* కేరళ కుట్టీ మాతృభాషతో పాటు తెలుగులో నటించిన చిత్రాలు హిట్ కావడంతో దక్షిణాది సినీ పరిశ్రమలో బిజీ హీరోయిన్ అయింది. ప్రస్తుతం శర్వానంద్‌ సరసన ‘శతమానం భవతి’ సినిమాలో నటిస్తోంది. తమిళం, మలయాళంలోనూ మరో రెండు చిత్రాలు చేస్తోంది.
* ఇంటర్ మాత్రమే పూర్తి చేసిన అనుపమ సినీ అవకాసాల వల్ల డిగ్రీని కొనసాగించలేకపోయింది. కెరీర్ లో బిజీ తగ్గిన తగిన తర్వాత ఎలాగైనా డిగ్రీ కంప్లీట్ చేసే ఆలోచనలో ఉంది.
* అనుపమకు భాగ్యనగరమే కాదు.. ఇక్కడ లభించే బిర్యానీ అంటే భలే ఇష్టం. ఉప్మా పెసరెట్టు ఆమె ఫేవరేట్.
* నటి కాకపోయింటే అనుపమ కెమెరా పట్టి వన్యప్రాణుల ఫోటోలను తీసేది. ప్రపంచ దేశాలు చుడుతూ పర్యావరణాన్ని కెమెరాలో బంధించేది.
Related