మోడీతో సీఎం జగన్ భేటీ..

ప్రధానమంత్రి నరేంద్ర మోడీతో భేటీ అయ్యారు సీఎం జగన్. ఢిల్లీ పర్యటనలో భాగంగా ప్రధానిని కలిసిన జగన్…ఏపీకి ప్రత్యేక హోదా, విభజన హామీల అమలు, రాష్ట్రానికి ఆర్థిక సహకారం, పెండింగ్ అంశాలపై ప్రధానికి జగన్ వినతిపత్రం అందజేశారు.

దాదాపు అరగంట పాటు ఈ భేటీ జరుగగా జగన్ వినతిపత్రంపై ప్రధాని సానుకూలంగా స్పందించినట్లు తెలుస్తోంది. తెలంగాణ నుంచి ఆంధ్రాకు రావాల్సిన విద్యుత్ బకాయిలు, కేంద్ర వాటా నుంచి ఏపీకి రావాల్సిన పన్ను చెల్లింపులు క్లియర్ చేయాలని కోరారు. త్వరలో సార్వత్రిక ఎన్నికలు జరగనున్న నేపథ్యంలో జగన్ – మోడీ భేటీకి ప్రాధాన్యత సంతరించుకుంది.

ఏపీకి చెందిన ప్రధాన పార్టీల నేతలు హస్తినకు క్యూ కట్టడం చర్చనీయాంశంగా మారింది. తొలుత చంద్రబాబు ఆ తర్వాత జగన్ ఇప్పుడు పవన్ హస్తిన పర్యటన హాట్ టాపిక్‌గా మారింది.