విక్టరీ వెంకటేష్, దర్శకుడు అనిల్ రావిపూడి మరోసారి సంక్రాంతి బరిలో ప్రేక్షకులను అలరించేందుకు సిద్ధమయ్యారు. వెంకటేష్, నందమూరి కళ్యాణ్ రామ్ ప్రధాన పాత్రల్లో నటించనున్న ఈ సినిమా ఈరోజు ఘనంగా ప్రారంభమైంది.
‘VenkyAnil5’ వర్కింగ్ టైటిల్తో రూపొందుతున్న ఈ చిత్రం పూజా కార్యక్రమాలతో నేడు ప్రారంభమైంది. ఈ కార్యక్రమానికి దర్శకేంద్రుడు కె. రాఘవేంద్రరావు, నిర్మాతలు దిల్రాజు, సురేశ్ బాబు, అల్లు అరవింద్ ముఖ్య అతిథులుగా హాజరయ్యారు. రాఘవేంద్రరావు చేతుల మీదుగా తొలి షాట్ చిత్రీకరణ జరగగా, అల్లు అరవింద్ క్లాప్ కొట్టారు. దిల్రాజు స్క్రిప్ట్ను చిత్ర బృందానికి అందజేశారు.
గతంలో వెంకటేష్, అనిల్ రావిపూడి కాంబినేషన్లో వచ్చిన ‘సంక్రాంతికి వస్తున్నాం’ చిత్రం బాక్సాఫీస్ వద్ద భారీ విజయాన్ని అందుకుంది. అదే ఉత్సాహంతో ఈ కొత్త మల్టీస్టారర్ చిత్రాన్ని తెరకెక్కిస్తున్నారు. ఇందులో వెంకటేష్కు జోడీగా కీర్తి సురేశ్, కళ్యాణ్ రామ్ సరసన కృతి శెట్టి నటిస్తున్నారు. ఈ చిత్రానికి జీవీ ప్రకాశ్ కుమార్ సంగీతం అందిస్తున్నారు. 2027 సంక్రాంతి విడుదల లక్ష్యంగా శరవేగంగా షూటింగ్ జరపాలని చిత్ర బృందం నిర్ణయించింది.
వెంకటేష్ ప్రస్తుతం త్రివిక్రమ్ దర్శకత్వంలో ‘ఆదర్శ కుటుంబం – హౌస్ నెం: 47’ అనే చిత్రంలో నటిస్తున్నారు. ఈ సినిమా పనులతో పాటు సమాంతరంగా అనిల్ రావిపూడి దర్శకత్వంలోని కొత్త సినిమా షూటింగ్లో కూడా ఆయన పాల్గొననున్నారు.