ఎపి మంత్రి పరిటా సునీత ఆధ్వర్యంలో నిర్వహణ

మాజీ మంత్రి, తెలుగుదేశం పార్టీ నాయకుడు పరిటాల రవీంద్ర జ్ఞాపకార్ధం ఆయన స్వగ్రామం అనంతపురం జిల్లా వెంకటాపురంలో శుక్రవారం నాడు మూడు వందల జంటలకు సామూహిక వివాహాలు చేస్తున్నారు.

ఆంధ్రప్రదేశ్ రాష్ట్ర మంత్రి పరిటాల సునీత ఆధ్వర్యంలో జరుగుతున్న ఈ వివాహాలకు ఎపి ముఖ్యమంత్రి నారా చంద్రబాబు నాయుడు ముఖ్య అతిధిగా హాజరవుతున్నారు. గురువారం నాడు ఈ వివాహాలకు సంబంధించి నూతన వధూవరులకు బట్టలు, పెళ్లికి సంబంధించిన ఇతర వస్తువులు అందజేశారు.

ఈ సందర్భంగా పోలీస్ బందోబస్తును ముమ్మరం చేశారు. ఈ వివాహ వేడుకలు ముగిసిన తర్వాత అక్కడే నెలకొల్పిన పరిటాల రవీంద్ర విగ్రహాన్ని ముఖ్యమంత్రి చంద్రబాబు నాయుడు ఆవిష్కరిస్తారు.