స్టార్ హీరోయిన్ రష్మికా మందన్నా తన కెరీర్లోనే అత్యంత ప్రతిష్టాత్మకమైన, సవాలుతో కూడిన పాత్రలో నటిస్తున్న చిత్రం ‘మైసా’ (Mysaa). లేడీ ఓరియంటెడ్ యాక్షన్ థ్రిల్లర్గా రూపొందుతున్న ఈ సినిమా గురించి మేకర్స్ తాజాగా ఒక అదిరిపోయే అప్డేట్ ఇచ్చారు. భారతీయ సినీ చరిత్రలోనే ఇప్పటివరకు ఎవరూ చేయని విధంగా, ఒక హీరోయిన్ ప్రధాన పాత్రలో నటించిన తొలి అండర్వాటర్ ఫైట్ సీక్వెన్స్ను ఈ చిత్రం కోసం పూర్తి చేశారు.
ఈ భారీ యాక్షన్ సన్నివేశాన్ని రష్మికా మందన్నా ఏమాత్రం డూప్ లేకుండా స్వయంగా నటించడం విశేషం. ఈ అద్భుతమైన ఫైట్ సీక్వెన్స్ కోసం రష్మికా రెండు రోజుల పాటు దాదాపు 20 గంటల సమయం నీటి అడుగునే గడిపింది. ఈ విషయాన్ని మేకర్స్ అధికారికంగా వెల్లడిస్తూ, ఇది ఇండియన్ సినిమాలో ఒక సరికొత్త అధ్యాయం అని పేర్కొన్నారు. ఈ ఫైట్ సీక్వెన్స్కు సంబంధించిన గ్లింప్స్ను, కొన్ని స్టిల్స్ను సోషల్ మీడియాలో విడుదల చేయగా అవి వైరల్గా మారాయి.
ఈ అనుభవం తన జీవితంలోనే అత్యంత కష్టతరమైనదని రష్మికా స్వయంగా సోషల్ మీడియాలో పంచుకున్నారు. “నేను గత కొంతకాలంగా షూటింగ్లో బిజీగా ఉండి అందరికీ దూరంగా ఉన్నాను. నా కెరీర్లో ఇప్పటివరకు చేసిన పనులన్నింటిలో ఇది అత్యంత సవాలుతో కూడుకున్నది. ఇలాంటి పిచ్చి పనులు చేయడం నాకు ఎగ్జైటింగ్గా అనిపిస్తుంది.” అని ఆమె తన ఉత్సాహాన్ని వ్యక్తం చేశారు. రష్మికా పట్టుదల చూసి అభిమానులు ప్రశంసలు కురిపిస్తున్నారు.
భారీ యాక్షన్ స్పెక్టకిల్గా తెరకెక్కుతున్న ‘మైసా’ చిత్రం వచ్చే ఏడాది 2026లో ప్రేక్షకుల ముందుకు రానుంది. త్వరలోనే ఈ సినిమాకు సంబంధించిన టీజర్ను కూడా విడుదల చేయనున్నట్లు చిత్రబృందం ప్రకటించింది. రష్మికా యాక్షన్ అవతార్ను చూసేందుకు ప్రేక్షకులు ఎంతో ఆతృతగా ఎదురుచూస్తున్నారు.
https://www.instagram.com/p/DakLhy8ibcp/?utm_source=ig_embed&ig_rid=AQBHAOX4V59p_XQVSpOF4Iv