ఒక సమయంలో ఒక స్టార్ హీరోనే మెప్పించడం కష్టమంటే ఇద్దరు స్టార్ హీరోలను ఒకేసారి తన కథలతో మెప్పించాడు టాలీవుడ్ డైరెక్టర్ హరీష్ శంకర్. ఇంతకీ ఆ ఇద్దరు హీరోలు ఎవరో తెలుసా…ఒకరు పవర్ స్టార్ పవన్ కళ్యాణ్ కాగా మరో హీరో యంగ్ టైగర్ ఎన్టీఆర్ లు. ఈ ఇద్దరితో ఇంతకుముందు చెరో సినిమా చేసి పెట్టిన హరీష్ పవన్ కి బ్లాక్ బస్టర్ ఇవ్వగా ఎన్టీఆర్ మాత్రం డిసాస్టర్ ఇచ్చాడు.
పవన్ తో తీసిన గబ్బర్ సింగ్ బిగ్గెస్ట్ మాస్ హిట్ గా నిలిచింది, ఇక ఆ తరువాతే ఎన్టీఆర్ తో చేసిన రామయ్యావస్తావయ్యా ఆల్ టైం డిసాస్టర్స్ లో ఒకటిగా నిలిచింది. అప్పటి నుండి తిరిగి ఎన్టీఆర్ కి ఎలాగైనా ఓ రేంజ్ హిట్ ఇవ్వాలని ఎంతో కష్టపడి ఓ అదిరిపోయే కథని సిద్ధం చేసుకున్నాడట హరీష్ శంకర్.
ఈ మధ్యనే ఎన్టీఆర్ ని కలిసి కథ వినిపించి శెభాష్ అనిపించుకున్నాడట హరీష్. ఇక పవన్ ఈ మధ్యనే హరీష్ ని పిలిచి ఏదైనా కథ ఉంటే చెప్పు అనడంతో వెంటనే గబ్బర్ సింగ్ తరువాత పవన్ కోసం రాసుకున్న కథని వినిపించగా పవన్ కూడా గ్రీన్ సిగ్నల్ ఇచ్చాడట, మరి ఇద్దరితో ముందు ఎవరితో సినిమా చేస్తాడో చూడాలి.