తన బాబాయ్ కోసం రాంచరణ్ త్యాగం చేశారు. తనకు బాబాయ్కి మధ్య పోటీ వద్దని భావిస్తూ తన సినిమాను వాయిదా వేసుకున్నారని సినీ వర్గాల సమాచారం. ఆ విషయమేమిటంటే.. సినిమా వాళ్లకు సంక్రాంతి పండుగ నిజంగా పండగే.
ఈ సమయంలో తమ సినిమాలు విడుదల చేసుకోవడానికి అందరూ తెగ ప్రయత్నాలు చేస్తారు. గత సంక్రాంతికి సినిమా సినిమాకు తీవ్ర పోటీ నెలకొంది. ఇక ముచ్చటేమంటే సుకుమార్ దర్శకత్వంలో సమంత హీరోయిన్గా రాంచరణ్ నటిస్తున్నసినిమా ‘రంగస్థలం-1985. ఈ సినిమా చిత్రీకరణ దాదాపు ముగింపు దశకు చేరుకుంది. ఈ చిత్రాన్ని సంక్రాంతికి సిద్ధం చేయాలని నిర్మాతలు భావించారు. ఈ మేరకు డిసెంబర్ మొదటి వారానికే తొలి కాపీని సిద్ధం చేసి ప్రచార కార్యక్రమాలు ప్రారంభించాలని అనుకున్నారు.
ఈ సంక్రాంతి సీజన్కు త్రివిక్రమ్ శ్రీనివాస్ దర్శకత్వంలో పవన్ కల్యాణ్ హీరోగా తెరకెక్కుతున్న ‘అజ్ఞాతవాసి’ చిత్రం విడుదల చేయడానికి సిద్ధమవుతోంది. ఈ సమయంలో బాబాయ్కు పోటీగా ఎందుకు ఉండడం అని వెనక్కు తగ్గినట్లు సమాచారం. ఫిబ్రవరి చివరి వారానికి చిత్రం విడుదల చేసుకోవాలని రాంచరణ్ నిర్ణయించుకున్నాడని సినీ ఇండస్ట్రీ సమాచారం. ఈ చిత్రంలో రాంచరణ్, గుబురు గడ్డంతో న్యూలుక్లో కనిపిస్తున్నాడు. ఈ చిత్ర విశేషాలను ఎప్పటికప్పుడు రాంచరణ్ సోషల్ మీడియా ద్వారా పంచుకుంటున్నాడు. ఇదే కాక ఫిబ్రవరి వరకు తన తండ్రి చిరంజీవి ‘సైరాస సినిమా నిర్మాణ పనులను దగ్గరుండి చూసుకోవడానికి కూడా సమయం కావాల్సి ఉండడంతో చరణ్ సినిమాను ఆలస్యం చేస్తున్నాడు.