ఆంధ్రప్రదేశ్లో సాయి కృష్ణ అనే యువకుడి అదృశ్యం, అనుమానాస్పద మృతి వ్యవహారంపై పోలీసు వ్యవస్థ తీరు, ప్రభుత్వం వ్యవహరిస్తున్న శైలి తీవ్ర వివాదాస్పదమవుతున్నాయి. చంద్రబాబు డైరెక్షన్లో ఏపీ పోలీసులు వ్యవహరిస్తున్న తీరుపై రాజకీయ వర్గాలు, హక్కుల సంఘాల నుంచి తీవ్ర విమర్శలు వ్యక్తమవుతున్నాయి.
ఈ కేసులో పోలీసు అధికారులు చెప్పిన వైరుధ్యాలే అనేక అనుమానాలకు తావిస్తున్నాయి.మే 6న మార్కాపురంలో సాయి కృష్ణను విజయవాడ టాస్క్ఫోర్స్ అదుపులోకి తీసుకుని కృష్ణలంక పోలీస్స్టేషన్కు తీసుకొచ్చినట్లు, మే 8న కూడా అతడు పోలీస్స్టేషన్లోనే ఉన్నట్లు సీఐ నాగరాజు సమర్పించిన రిమాండ్ రిపోర్టు స్పష్టం చేస్తోంది.
అయితే జూన్ 15న డీజీపీ, విజయవాడ పోలీస్ కమిషనర్లతో కూడిన ఉన్నతాధికారుల తరఫున సాయి కృష్ణ ఆచూకీ తెలియదని, అతడిని వెతికేందుకు ప్రత్యేక బృందాలు ఏర్పాటు చేశామని హైకోర్టుకు నివేదించడం గమనార్హం.పోలీసులే పట్టుకొచ్చి, కస్టడీలో ఉంచిన తర్వాత సాయి కృష్ణ మరణించడం, అనంతరం శవంతో పాటు సీసీటీవీ ఫుటేజీ కూడా మాయమవ్వడంపై పలు కోణాల్లో అనుమానాలు వ్యక్తమవుతున్నాయి.
డీజీపీ హరీష్కుమార్ గుప్తా, కమిషనర్ రాజశేఖర్బాబులకు టాస్క్ఫోర్స్ తీసుకొచ్చిన వ్యక్తి వివరాలు తెలియకుండా ఎలా ఉంటాయని బాధితులు ప్రశ్నిస్తున్నారు. ఇది తెలిసి కూడా కోర్టుకు నిజాన్ని దాచితే అది కుట్రలో భాగమేనని, లేదా వ్యవస్థపై నియంత్రణ లేకపోవడమేనని ఆరోపిస్తున్నారు.డీజీపీ, పోలీస్ కమిషనర్, టాస్క్ఫోర్స్ అధికారుల పాత్రపై నిష్పాక్షికమైన స్వతంత్ర దర్యాప్తు జరగాలి.
బాధ్యతల నుంచి తొలగింపు: దర్యాప్తు పారదర్శకంగా సాగేందుకు డీజీపీ, కమిషనర్లను తక్షణమే విధుల నుంచి తప్పించాలి.సాయి కృష్ణను ఎవరు చంపారు? సాక్ష్యాలను, శవాన్ని ఎవరు ధ్వంసం చేశారు? కోర్టును ఎవరు పక్కదోవ పట్టించారు? అనే ప్రశ్నలకు సమాధానాలు రావాల్సి ఉంది. చట్టానికి ఎవరూ అతీతులు కాదని, బాధ్యులపై కఠిన చర్యలు తీసుకోవాలని డిమాండ్ చేస్తున్నారు.
