దక్షిణ మెల్బోర్న్లోని ఒక రెస్టారెంట్ వెలుపల మహిళను కాల్చి చంపిన కేసులో ఓ వ్యక్తికి న్యాయస్థానం 45 ఏళ్ల జైలు శిక్ష విధించింది. అంతేగాదు చంపిన తర్వాత పక్కనే ఉన్న ట్యాక్స్ కార్యాలయంలోకి వెళ్లి వీడియో గేమ్ ఆడడం విశేషం.
అక్టోబర్ 2020లో జరిగిన ఈ ఘటనలో జేమీ రైట్ మృతిచెందగా, ఆమె భర్త థెరన్ రైట్ గాయపడ్డాడు. కోవిడ్ కారణంగా విచారణలో ఆలస్యం కావడం, న్యాయవాదుల మార్పులు వంటి కారణాలతో బ్రేవర్డ్ కౌంటీ జైలులో ఐదేళ్లుగా విచారణ జరిగింది.
ప్రాసిక్యూటర్లు తెలిపిన ప్రకారం, అప్పు విషయంలో వివాదం కారణంగా ఈ దాడి జరిగిందని భావిస్తున్నారు. జాన్సన్ జైలుకు వెళ్తున్నారు. ఆయన వయస్సు దృష్ట్యా బయటకు వచ్చే అవకాశం చాలా తక్కువ అని అధికారులు తెలిపారు.
అక్టోబర్ 15, 2020న మెల్బోర్న్ పోలీసులకు లిజ్జీస్ రెస్టారెంట్ వద్ద సమాచారం అందింది. అక్కడ జేమీ రైట్ కాల్పులకు గురై మృతిచెందిన స్థితిలో కనిపించింది. పక్కనే ఉన్న ట్యాక్స్ కార్యాలయంలో ఆమె భర్త థెరన్ రైట్ గాయాలతో కనిపించాడు. అతన్ని హాస్పిటల్కు తరలించారు. అనంతరం ఆయన ఇతర వైద్య కారణాలతో మరణించినట్లు ప్రాసిక్యూటర్లు తెలిపారు.
దర్యాప్తులో భాగంగా, నలుపు హుడీ మరియు మాస్క్ ధరించిన జాన్సన్ అర్థరాత్రి తరువాత అక్కడికి వచ్చి, పార్కింగ్ ప్రదేశంలో ఉన్న మినీవ్యాన్లో కూర్చున్న జేమీ రైట్ను ముందు గాజు ద్వారా కాల్చినట్లు గుర్తించారు. తరువాత పక్కనే ఉన్న ‘321 ట్యాక్స్’ కార్యాలయంలోకి వెళ్లి థెరన్ రైట్పై కాల్పులు జరిపాడు. సెక్యూరిటీ వీడియోలో ఇద్దరూ రివాల్వర్ కోసం పోరాడుతున్న దృశ్యాలు కనిపించాయి.