వాలెంటైన్స్ డే రోజున నోయిడాలో విషాద ఘటన చోటుచేసుకుంది. ఓ యువకుడు తన ప్రేయసిని కాల్చి చంపి, అనంతరం తానే తనను కాల్చుకుని ఆత్మహత్య చేసుకున్నాడని పోలీసులు ప్రాథమికంగా భావిస్తున్నారు. ఈ ఘటన సెక్టార్ 39 పోలీస్ స్టేషన్ పరిధిలో జరిగింది.
గన్షాట్ శబ్దాలు వినిపించాయని స్థానికులు పోలీసులకు సమాచారం ఇవ్వగా, సంఘటన స్థలానికి చేరుకున్న పోలీసులు లోపల నుంచి లాక్ చేసిన కారులో యువకుడు, యువతి మృతదేహాలను గుర్తించారు. వాహనంలో ఒక పిస్టల్, కార్ట్రిడ్జ్లు కూడా లభించాయి. మృతులను రేఖ (26) – సెక్టార్ 58, నోయిడా నివాసి, సుమిత్ (32) – త్రిలోక్పురి, ఢిల్లీ నివాసిగా గుర్తించారు. ఇద్దరూ గత రోజు నుంచి కనిపించకుండా పోయి, మిస్సింగ్ కేసులు నమోదయ్యాయి.
కారు లోపల నుంచి లాక్ అయి ఉండగా, సుమిత్ చేతిలో పిస్టల్ ఉన్నట్లు పోలీసులు తెలిపారు. ఫోరెన్సిక్ బృందాలు సాక్ష్యాలు సేకరించాయి. మృతదేహాలను పోస్టుమార్టం కోసం తరలించారు. సుమిత్ వాట్సాప్లో ఓ సందేశం వదిలినట్లు సమాచారం. 15 ఏళ్లుగా రేఖతో ప్రేమలో ఉన్నానని, ఆమె పెళ్లి మాట ఇచ్చి ఇప్పుడు మరొకరిని వివాహం చేసుకోబోతుందని, ద్రోహం కారణంగా ఆత్మహత్య చేసుకుంటున్నానని అందులో పేర్కొన్నాడు.
అయితే సుమిత్ కుటుంబం ఇది హత్య అయి ఉండొచ్చని అనుమానం వ్యక్తం చేసింది. కుల వివక్ష కారణంగా ఈ ఘటన జరిగి ఉండొచ్చని ఆరోపించింది. పోలీసులు అన్ని కోణాల్లో దర్యాప్తు కొనసాగిస్తున్నట్లు చెప్పారు.