 ఒక కీలక నిర్ణయాన్ని వెల్లడించింది.){kind=link}
భారత ఆర్థిక వ్యవస్థను మరింత బలోపేతం చేసే దిశగా కేంద్ర ప్రభుత్వం శనివారం (మే 2, 2026) ఒక కీలక నిర్ణయాన్ని వెల్లడించింది. దేశీయ బీమా రంగంలో విదేశీ ప్రత్యక్ష పెట్టుబడుల (FDI) పరిమితిని ప్రస్తుతం ఉన్న 74 శాతం నుండి ఏకంగా 100 శాతానికి పెంచుతూ అధికారికంగా నోటిఫికేషన్ జారీ చేసింది. దీనితో పాటు ప్రభుత్వ రంగ బీమా దిగ్గజం ఎల్ఐసీ (LIC) లో కూడా విదేశీ పెట్టుబడులకు సంబంధించి స్పష్టతనిచ్చింది.
కేంద్ర ఆర్థిక మంత్రిత్వ శాఖ జారీ చేసిన ‘విదేశీ మార్పిడి నిర్వహణ (గైర్-రుణ సాధనాలు) రెండో సవరణ నిబంధనలు, 2026’ ప్రకారం, భారతీయ బీమా కంపెనీలలో విదేశీయులు 100 శాతం వరకు పెట్టుబడులు పెట్టవచ్చు.
ఆటోమేటిక్ రూట్: ఈ పెట్టుబడులకు కేంద్రం నుంచి ముందస్తు అనుమతులు అవసరం లేదు.
మధ్యవర్తులు: బీమా బ్రోకర్లు, రీ-ఇన్సూరెన్స్ బ్రోకర్లు, థర్డ్-పార్టీ అడ్మినిస్ట్రేటర్లు (TPA), సర్వేయర్లు వంటి అన్ని రకాల బీమా మధ్యవర్తిత్వ సంస్థలకు కూడా ఈ 100 శాతం నిబంధన వర్తిస్తుంది.
ప్రైవేట్ బీమా రంగంలో పూర్తిస్థాయి పెట్టుబడులకు అనుమతినిచ్చిన ప్రభుత్వం, లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) విషయంలో మాత్రం కొంత నియంత్రణను కొనసాగించింది. ఎల్ఐసీలో విదేశీ పెట్టుబడుల పరిమితిని 20 శాతానికి ఖరారు చేసింది. ఎల్ఐసీ చట్టం 1956 ప్రకారం దీనిని విడిగా పర్యవేక్షిస్తారు.
పెట్టుబడులను సరళీకరించినప్పటికీ, భద్రత మరియు నియంత్రణ దృష్ట్యా కేంద్రం కొన్ని కఠిన నిబంధనలను విధించింది.విదేశీ పెట్టుబడులు ఉన్న బీమా కంపెనీలలో చైర్పర్సన్, మేనేజింగ్ డైరెక్టర్ (MD) లేదా సీఈఓ (CEO) లలో కనీసం ఒక్కరైనా తప్పనిసరిగా భారతీయ పౌరుడై ఉండాలి.ఈ పెట్టుబడులన్నీ ఇన్సూరెన్స్ రెగ్యులేటరీ అండ్ డెవలప్మెంట్ అథారిటీ ఆఫ్ ఇండియా (IRDAI) నిబంధనలకు లోబడి ఉండాలి.