రాష్ట్రంలోని పొగాకు రైతులు ఎదుర్కొంటున్న వివిధ సమస్యలపై వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్మోహన్ రెడ్డి క్షేత్రస్థాయి రైతులతో ప్రత్యేకంగా సమావేశమయ్యారు. ఈ భేటీలో పలు జిల్లాల నుంచి వచ్చిన పొగాకు రైతులు తమ ఇబ్బందులను ఆయనకు స్వయంగా వివరించారు.
సమావేశంలో భాగంగా రైతులు తమ పంటకు లభిస్తున్న మద్దతు ధర, మార్కెటింగ్లో ఎదురవుతున్న తీవ్ర ఇబ్బందులను వైఎస్ జగన్ దృష్టికి తీసుకెళ్లారు.
అంతర్జాతీయ మార్కెట్ పరిస్థితులు, వ్యాపారుల సిండికేట్ వల్ల పంటకు సరైన ధర లభించక ఆర్థికంగా తీవ్రంగా నష్టపోతున్నామని రైతులు వాపోయారు.
వేలం కేంద్రాలలో (Auction Platforms) పంటను విక్రయించేటప్పుడు ఎదురవుతున్న సాంకేతిక, పరిపాలనాపరమైన ఇబ్బందులను జగన్కు వివరించారు.
ఈ సమావేశానికి రాష్ట్రంలో పొగాకును విస్తారంగా సాగుచేసే ముఖ్యమైన జిల్లాలైన నెల్లూరు, ప్రకాశం, ఏలూరు, తూర్పుగోదావరి నుండి రైతులు పెద్ద సంఖ్యలో హాజరయ్యారు.
రైతుల సమస్యలను ఓపికగా విన్న వైఎస్ జగన్….వారికి వైఎస్సార్సీపీ ఎల్లప్పుడూ అండగా ఉంటుందని హామీ ఇచ్చారు. పొగాకు రైతులకు మద్దతుగా, వారి సమస్యల పరిష్కారానికి మరియు న్యాయమైన ధర లభించేలా సంబంధిత అధికారుల దృష్టికి తీసుకెళ్లి పోరాడతామని ఆయన స్పష్టం చేశారు.