‘లక్ష్మీస్ ఎన్టీఆర్’ను చూసేందుకు ఎగబడుతున్న జ‌నాలు

అవును మీరు చ‌దువుతున్న‌ది నిజ‌మే. వివాస్ప‌ద ద‌ర్శ‌కుడు రామ్ గోపాల్ వ‌ర్మ తాజాగా ద‌ర్శ‌క‌త్వం వ‌హించిన చిత్రం ల‌క్ష్మీస్ ఎన్టీఆర్‌. ఉమ్మ‌డి ఏపీ మాజీ ముఖ్య‌మంత్రి, ఆంధ్రుల ఆరాధ్య దైవంగా భావించే ఎన్టీఆర్ జీవితంలోని కొన్ని సంఘ‌ట‌న‌ల ఆధారంగా ఈ సినిమాను తెర‌కెక్కించాడు రామ్ గోపాల్ వ‌ర్మ‌. ఎన్టీఆర్ జీవితంలోకి ఆయ‌న రెండో భార్య ల‌క్ష్మీ పార్వ‌తి ఎంట్రీ ఇచ్చిన ద‌గ్గ‌ర నుంచి ఆయ‌న జీవితంలో ఎటువంటి మార్పులు చోటు చేసుకున్నాయో ఈ సినిమాలో చూపించ‌పోతున్నాడు వ‌ర్మ‌.

ఎన్టీఆర్ త‌న చివ‌రి రోజుల్లో ఎటువంటి దుర్భ‌ర జీవితాన్ని గడిపారో చూపిస్తానంటున్నారు వ‌ర్మ‌. ఇక ప్ర‌స్తుతం ఎన్నిక‌ల నేప‌థ్యంలో ఈ సినిమా విడుద‌ల కావ‌డంతో అంద‌రి దృష్టి ఈ సినిమాపైనే ఉంది. సినిమాను ఆపాడానికి టీడీపీ పార్టీ శ‌త‌విధాల ప్ర‌య‌త్నించిన‌ప్ప‌టికి ల‌క్ష్మీస్ ఎన్టీఆర్ సినిమాను విడుద‌ల కాకుండా ఆప‌డం వారి వ‌ల్ల కాలేదు. ఇక ఈ సినిమాను ప్ర‌పంచ వ్యాప్తంగా ఈ నెల 29న విడుద‌ల చేయ‌నున్నారు. ఈ సినిమా కోసం అభిమానులు, ప్రేక్ష‌కులు ఎంత‌గానో ఎదురు చూస్తున్నార‌ని ట్విట్ చేశారు రామ్ గోపాల్ వ‌ర్మ‌.

‘లక్ష్మీస్ ఎన్టీఆర్’ చిత్రం అడ్వాన్స్ బుకింగ్స్ ఓపెన్ కాగా, 10 నిమిషాల వ్యవధిలో ఓ మల్టీ ప్లెక్స్ లో 1000 టికెట్లు అమ్ముడు కావడాన్ని ప్రస్తావిస్తూ, ఓ ట్వీట్ చేశారు రామ్ గోపాల్ వర్మ. ఈ స్పీడ్‌ను చూస్తుంటే బాల‌య్య న‌టించిన క‌థానాయ‌కుడు, మ‌హ‌నాయ‌కుడు కన్నా లక్ష్మీస్ ఎన్టీఆర్ ని చూడడానికే ప్రజలు ఎగబడుతున్నారని ట్విట్ చేశారు రామ్ గోపాల్ వ‌ర్మ‌. దీని బ‌ట్టి తానే తిసిందే నిజ‌మైన సినిమా అరి నిజంగా నిజమే గెలిచిందనడంలో ఏ మాత్రం సందేహం లేదని తెలిపారు. జై బాలయ్య” అని వ్యాఖ్యానించారు.