ఏం మాయ చేశావే సినిమాతో టాలీవుడ్కు పరిచయమైన బ్యూటీ సమంత. ఆ తర్వాత వైవిధ్యమైన సినిమాలతో తనకంటూ ఓ ప్రత్యేక గుర్తింపు తెచ్చుకున్నారు. పాత్ర ఏదైనా దానికి ప్రాణం పోసే సమంతకు సౌత్లోనే కాదు నార్త్లోనే మంచి ఫ్యాన్ ఫాలోయింగ్ ఉంది.
కొన్ని రోజులుగా మయోసైటిస్ తో బాధపడుతున్న సమంత…సినిమాలకు కాస్త బ్రేక్ ఇచ్చి ఆరోగ్యంపై పూర్తి దృష్టి సారించారు. ఈ సందర్భంగా అభిమానులతో ఆసక్తికర విషయాలను పంచుకున్నారు. తన మాటను గౌరవించే అభిమానులు ఉండటం తన అదృష్టంగా భావిస్తున్నానని చెప్పుకొచ్చింది.
తన మాటలు కొద్దిమందిపై ప్రభావం చూపినా తనకు ఆనందమేనని … కొంతమందిలో అయినా మార్పు తీసుకురాగలిగితే అంతకు మించి తానేం కోరుకోను అని తెలిపింది. ఎలాంటి సందర్భమైనా తన మనసుకు నచ్చింది మాత్రమే చేస్తానని..ఏదైనా నిర్ణయం తీసుకునే ముందు ఒకటికి రెండు సార్లు ఆలోచిస్తానన్నారు. మెంటల్ హెల్త్కు ప్రాధాన్యతనిస్తానని తెలిపింది సామ్.