రాజస్థాన్లో వెలుగులోకి వచ్చిన బర్డ్ ఫ్లూ కేసులు మధ్యప్రదేశ్లోనూ నమోదయ్యాయి. ఇందోర్లో మూడు రోజుల క్రితం చనిపోయిన కాకులకు ఈ వైరస్ ఉన్నట్లు తేలింది. గత నాలుగు రోజుల్లో ఈ ప్రాంతంలో 96 కాకులు మరణించాయి. దీంతో అప్రమత్తమైన అధికారులు.. ముందుజాగ్రత్త చర్యలు చేపట్టారు. ఐదు కిలోమీటర్ల పరిధిలో ఎవరూ తిరగకుండా.. కర్ఫ్యూ విధించారు. ఫ్లూ సోకినట్లు అనుమానం ఉన్న పక్షులను గుర్తించే పనిలో పడ్డారు.
మరోవైపు, మధ్యప్రదేశ్లోని ఝాలావాడ్లో గుర్తించిన ఏవియన్ ఇన్ఫ్లుయెంజా.. ఆ జిల్లాలోని ఇతర ప్రాంతాలకు విస్తరిస్తోంది. పన్వార్, సునేల్ ప్రాంతాల్లోనూ కాకుల మరణాలు సంభవించాయి. శనివారం ఝాలావాడ్లో 16 కాకులు మరణించగా.. పన్వార్లో 10, సునేల్లో 8 కాకులు మృతి చెందాయి. పన్వార్లో నాలుగు రోజుల క్రితం 60 కాకులు కూడా చనిపోయినట్లు స్థానికులు చెబుతున్నారు. అధికారులు స్పందించి.. నమూనాలను పరీక్షలకు తరలిస్తున్నారు.