తండ్రి, కొడుకులు ఇద్ద‌రు క‌లిసి… 3 లక్షల కోట్లు కొట్టేశారు :విజయసాయి రెడ్డి

వైఎస్ఆర్‌సీపీ రాజ్యసభ సభ్యుడు విజయసాయి రెడ్డి మ‌రోసారి త‌న‌దైన శైలిలో రెచ్చిపోయాడు. ఆంధ్రప్రదేశ్ ముఖ్యమంత్రి చంద్రబాబు నాయుడి, మంత్రి నారా లోకేష్‌ల‌పై ఆయ‌న విమ‌ర్శ‌లు చేశారు. తండ్రి, కొడుకులు ఇద్ద‌రు క‌లిసి . 3 లక్షల కోట్లు కొట్టేశారని ఆరోపణలు చేశారు విజయసాయి రెడ్డి. టీడీపీ విధానాల వల్ల, నిర్లక్ష్యం కారణాంగానే ఉత్తరాంధ్ర వెనుకబడిందని విమర్శించారు.

టీడీపీ నేతలు అవినీతికి ప్రాధాన్యత ఇవ్వడం వల్లనే ప్రాజెక్టులు పూర్తి కావడం లేదన్నారు. ప్రత్యేక హోదా కోసం తమ పార్టీ ఎంపీలు రాజీనామా చేసిన స్థానాల్లో ఉప ఎన్నికలు వచ్చే అవకాశం ఉందని ఆయన అభిప్రాయపడ్డారు. ముందస్తు ఎన్నికలు ఎప్పుడొచ్చినా ఎదుర్కోవడానికి తమ పార్టీ సిద్ధంగా ఉందని చెప్పారు.