Thursday, March 28, 2024
- Advertisement -

అఫ్గానిస్థాన్ లో ఘోరం..రంజాన్ వేళ మసీదుపై బాంబు దాడి

- Advertisement -

ప్రపంచంలో ఓ వైపు కరోనా కలకలం రేపుతుంటే మరోవైపు బాంబు దాడులతో అమాయక ప్రజల ప్రాణాలు గాల్లో కలిసిపోతున్నాయి. నేడు ప్రపంచ వ్యాప్తంగా రంజాన్ సంబురాలు కొనసాగుతున్నాయి. ఇలాంటి సమయంలో అఫ్గానిస్థాన్ లో ఘోరం జరిగింది. ఉత్తర కాబుల్​లోని మసీదుపై శుక్రవారం బాంబు దాడి జరిగింది. ఈ ఘటనలో 12 మంది ప్రాణాలు కోల్పోయారని అఫ్గాన్​ పోలీసులు తెలుపగా.. మరో 15 మందికి గాయాలయ్యాయని చెప్పారు. రంజాన్ సందర్భంగా మసీదులో ప్రార్ధనలు మొదలుకాగానే బాంబు దాడి జరిగింది.

ఈ పేలుడులో ముస్లిం మతగురువు మృతి చెందారని ఇక్కడి పోలీసు ప్రతినిధి ఫెర్డాస్​ ఫరామార్జ్​ తెలిపారు. ఈ బాంబు పేలుడు మతగురువును లక్ష్యంగా చేసుకొని జరిగి ఉండవొచ్చని పోలీసులు అంటున్నారు. సాధారణంగా ఇలాంటి దాడులు జరిపిన వెంటనే ఉగ్రవాదులు ఇది తమ చర్యగా ప్రకటిస్తుంటారు. కానీ ఇప్పటి వరకు ఏ ఉగ్రవాద సంస్థ కూడా తామే ఈ దాడి చేసినట్లు ప్రకటించలేదని ఇక్కడి అధికారులు చెప్పారు.

ఇదిలా ఉంటే.. రంజాన్​ పర్వదినాన్ని పురస్కరించుకుని మూడురోజుల పాటు కాల్పుల విరమణ పాటించాలని అఫ్గాన్​ ప్రభుత్వం తాలిబన్లతో ఒప్పందం చేసుకుంది. కానీ, బాంబు పేలుడుతో బీభత్సం జరిగింది. ఈ దాడికి తాలిబన్లే కారణమని ఇంకా నిర్ధారణ కాకపోగా వారిపనిగానే స్థానిక ప్రజలు అనుమానిస్తున్నట్లు తెలుస్తుంది.

రఘురామకృష్ణరాజుని అరెస్ట్ చేసిన ఏపీ సీఐడీ అధికారులు!

ధైర్యంగా పోరాడింది.. పాపం కరోనా కాటుకు బలైంది..

టైమ్స్ గ్రూప్ చైర్మన్ కన్నుమూత!

Related Articles

- Advertisement -

Most Populer

- Advertisement -

Latest News

- Advertisement -