ప్రభుత్వ ఉద్యోగం రాలేదని ఆత్మహత్య!

హైదరాబాద్‌లో విషాదకర ఘటన చోటుచేసుకుంది. ప్రభుత్వ ఉద్యోగం రాలేదనే నిరాశతో ఓ యువకుడు ఆత్మహత్యకు పాల్పడిన సంఘటన స్థానికంగా కలకలం రేపింది.

వనపర్తి జిల్లాకు చెందిన సిద్ధార్థ్ … హైదరాబాద్ నగరంలోని శివరాంపల్లి వీకర్ సెక్షన్ కాలనీలో తన కుటుంబంతో కలిసి నివసిస్తున్నాడు. డిగ్రీ పూర్తి చేసిన అనంతరం ప్రభుత్వ ఉద్యోగం కోసం ప్రయత్నాలు చేస్తున్నాడు.

అయితే, ఎంత ప్రయత్నించినా ఉద్యోగం రాకపోవడంతో తీవ్ర మనస్తాపానికి గురైన సిద్ధార్థ్, చివరికి ఉరివేసుకుని ఆత్మహత్య చేసుకున్నట్లు సమాచారం. కుటుంబ సభ్యులు, స్నేహితులు ఈ ఘటనతో షాక్‌కు గురయ్యారు.

ఈ ఘటన యువతలో పెరుగుతున్న నిరుద్యోగ సమస్య, మానసిక ఒత్తిడిని మరోసారి వెలుగులోకి తీసుకొచ్చింది. పోటీ పరీక్షలు, ఉద్యోగ అవకాశాల కొరత కారణంగా అనేక మంది యువత తీవ్ర నిరాశకు గురవుతున్నారని నిపుణులు చెబుతున్నారు.