శ్రీమంతుడు మహేష్ బాబు తాను దత్తత తీసుకున్న సిద్దాపురం గ్రామానికి సంబంధించిన సమాచారం కోసం ప్రయత్నాలు చేస్తున్నారు. ఈ మేరకు తాను స్వయంగా వెళితే జనాల తాకిడి ఎక్కువ అవుతుంది అనే ఆలోచన తో కొందరు సొంత ప్రతినిధులు, మనుషులని ఆ గ్రామానికి పంపించారు అని విశ్వసనీయ వర్గాలు చెబుతున్నాయి.
ఆ ఊరిలో స్థానక నేతలతో వీరు సమావేశమై ప్రధానంగా ఉన్న సమస్యల మీద వాటికి తగ్గ పర్ఫెక్ట్ పరిష్కారాల మీద చర్చలు సాగించారు. భూపాల్ రెడ్డి, మధు, కృష్ణ – మహేష్ ప్రజాసేన చీఫ్ ఖాదిర్ పాల్గొన్నారు. గ్రామ సర్పంచ్ , ఎంపీటీసీ , గ్రామ యువకులు , నాయకులతో కలిసి సిద్దాపురం లో పర్యటించారు.
మహేష్ బాబు 15 న గ్రామస్తులతో స్వయంగా వచ్చి మరీ మాట్లాడతారు అని అంటున్నారు. సినీ నటుడు మహేష్ బాబు తెలంగాణ రాష్ట్రంలో గ్రామాన్ని దత్తత తీసుకున్న విషయం తెలిసిందే. తెలంగాణలోని మహబూబ్ నగర్ జిల్లా కొత్తూరు మండలం సిద్ధాపురం గ్రామాన్ని ఆయన దత్తత తీసుకున్నారు.