యంగ్ టైగర్ ఎన్టీఆర్ ప్రస్తుతం నటిస్తున్న చిత్రం ‘జనతా గ్యారేజ్’. ఈ చిత్రంపై అభిమానుల్లో ఎలాంటి అంచనాలు ఉన్నాయో ప్రత్యేకంగా చెప్పకర్లేదు. టెంపర్, నాన్నకు ప్రేమతో సినిమాల తర్వాత వస్తున్న చిత్రం కావడం వల్ల అంచనాలు బానే ఉన్నాయి. ఈ చిత్రం ఫస్ట్‌లుక్ రిలీజ్ అయ్యిన్నప్పటి నుంచి అభిమానులు ఈ చిత్రం ఎప్పుడు రిలీజ్ అవుతుందా అని ఎదురు చూస్తున్నారు.
మిర్చి, శ్రీమంతుడు సినిమాలతో మంచి హిట్స్ కొట్టిన కొరటాల శివ ఈ ‘జనతా గ్యారేజ్’ కి దర్శకత్వం వహిస్తున్నాడు. ఇప్పుడు అభిమానులకు ఎన్టీఆర్ ‘జనతా గ్యారేజ్’ టీజర్ రూపంలో ట్రీట్ ఇచ్చాడు. ఈ రోజే ఈ చిత్ర టీజర్ రిలీజ్ చేసారు. ఇప్పటికే షూటింగ్ పనులను పూర్తి చేసుకున్న జనతా గ్యారేజ్ ప్రస్తుతం పోస్ట్ ప్రొడక్షన్ పనుల్లో మునిగిపోయారు. మళయాల సూపర్‌స్టార్ మోహన్‌లాల్ కీలక పాత్రలో నటిస్తున్న ఈ చిత్రంలో సమంత, నిత్యా మీనన్‌లు హీరోయిన్లుగా నటిస్తుండగా దేవి శ్రీ ప్రసాద్ సంగీతం అందిస్తున్నారు.
{youtube}v=q6voJ13asIo{/youtube}
ఇక ఈ టీజర్ చూస్తుంటే సినిమా ఖచ్చితంగా సూపర్ హిట్ అయ్యేలా ఉంది. ఇక ఈ టీజర్ లో ఎన్టీఆర్ చెప్పిన “బలవంతుడు బలహీనుడ్ని భయపెట్టి బతకడం ఆనవాయితి బట్ ఫర్ ఏ చేంజ్ ఆ బలహీనుడి పక్కన కూడా ఒక బలముంది జనతా గ్యారేజ్!! ఇచట ఆన్నీ రిపైర్లు చేయబడును” అనే డైలాగ్ ఇప్పుడు సంచలనం సృష్టిస్తుంది. కొరటాల శివ డైరెక్షన్ బాగుంది.
Related