ప్రభాస్ సినిమా కోసం ఆయన ఫ్యాన్స్ కళ్లు కాయలు కాచేలా ఎదురుచూస్తున్నారు. 2019 ఆగస్ట్ 30న ప్రభాస్ నటించిన సాహో విడుదలైంది. ఇక అప్పటినుంచి ప్రభాస్ సినిమా ఏదీ రాలేదు. ఇప్పటికే విడుదల కావాల్సిన రాధేశ్యామ్ వివిధ కారణాలతో వాయిదా పడుతూ వస్తున్నది. పిరియాడికల్ డ్రామాగా ఈ సినిమా తెరకెక్కుతున్న విషయం తెలిసిందే. ప్రభాస్ చేతిలో చాలా సినిమాలు ఉన్నప్పటికీ.. ఈ ఏడాదిలో రాధేశ్యామ్ విడులదయ్యే చాన్స్ ఉంది.
ఇదిలా ఉంటే ప్రభాస్.. ప్రశాంత్ నీల్ దర్శకత్వంలో సలార్ అనే చిత్రంలో, ఓం రౌత్ దర్శకత్వంలో ఆదిపురుష్లో నటిస్తున్న విషయం తెలిసిందే. వీటితోపాటు టాలీవుడ్ డైరెక్టర్ నాగ్అశ్విన్తోనూ ప్రభాస్ ఓ సినిమాలో నటిస్తున్నాడు. అయితే నాగ్అశ్విన్ సినిమా చాలా ఆలస్యం అయ్యే అవకాశం ఉందని సమాచారం. సైన్స్ ఫిక్షన్ చిత్రం గా వస్తున్న ఈమూవీలో బాలీవుడ్ నటుడు అమితాబ్ బచ్చన్ ఓ కీలకపాత్ర చేస్తున్నాడు. ఇక ప్రస్తుతం రామోజీ ఫిల్మ్సిటీలో ఈ మూవీ షూటింగ్ నడుస్తోంది. ఈ సినిమా కోసం ప్రభాస్ 200 రోజుల డేట్స్ ఇచ్చాడని టాక్. ప్రస్తుతం ప్రభాస్ లేని పార్ట్ అంతా షూటింగ్ జరుపుతున్నారు.
వైజయంతీ మూవీస్ బ్యానర్పై అశ్వనీదత్ ఈ చిత్రాన్ని తెరకెక్కిస్తున్న విషయం తెలిసిందే.ఇక రాధేశ్యామ్ ఎప్పుడు విడుదలవుతుందో క్లారిటీ లేదు. మరికొన్ని రోజుల్లో థియేటర్లు ఓపెన్ కాబోతున్నాయి. చిన్న సినిమాలు విడుదలయిన అనంతరం ప్రేక్షకుల స్పందన ఎలా ఉంటుందో ? చూసి పెద్ద చిత్రాలు విడుదల చేసే చాన్స్ ఉంది.
Also Read
రెండో పెళ్ళికి సిద్ధమైన సుమంత్.. వధువు ఎవరంటే..!